01 18

{f. 260r} Epcouaquacujllj tepictoton. Jn epcoaquacuilli tepictoto^ ipa^ tlatoaia in cuicatl, icoac in aquin tepiquiz iehoatl conilhuiaia inic quimisquetzaz quinnaoatiz in cuicanime ynic cuicativi icha^ in aquin tepiquiz vel iehoatl quitzontequia Yxtlilco, teuva, Jn istlilco teuhoa ipa^ icaca, ipa^ tlatoaia quitzatziliaia in ventlj inic motenmanalia in pipiltzitzinti in aço oquichti anoço cihoa quitquitivi in inven in aço xochitla anoço copalli in ie isquich ve^tli mochioaia cecentlama^tli in quitquia. {p. 90} Aticpac teuvatzi^, xochipillj, Jn aticpac teuhoatzin ipan tlatoaia in aticpac calquj cihoatl. quinechicoaia in amatl, in copalli, in olli, yn itech moneqz aticpac calqui cihoatl. yn icoac miquia auh quixipeoaia in iehuaio co^maquiaia in tlenamacac, yoan quintlancoaltivia çollin icamac pilcatiuh quitla^quatiuh. Atlixelivhqui teuva, opochtlj, Jn atlixeliuhqui teuhoan, opuchtlj, ipa^ tlatoaia, quinechicoaia in inechichioal in amatl, in copalli, in olli, yoan in poçolcactli in xicolli, in tzitzilli in iiauhtli, in tlilli, in tiçatl in iappalli yoa^ aztatzontli papatli in itech monequia obuchtli in icoac miquia ypan tepeilhuitl. Xipe, yopico teuva, Jn xippe iopico teuhoa, quimocuitlaviaia in ipan miquia in iehoatl tequitzin, in amatl, in {p. 91} copalli, yoa^ poçolcactli in tlavitl auh inic mopotoniaia iehoatl in iztac totolihuitl, yoa in tollectilmatli tultecaiotl in ipa^ vetzia Pochtla^ teuva, yyacatecutlj Jn pochtla^ teuhoa quinechicoaia, inic mochichioaia in iiacatecutli in nepapan ihvitl in tocihvitl, yoa^ in tlaçotilmatli, yoa^ xicolli tzitzilli tlatlapalcactli. Chico^quiyavitl pochtla^ ide^. Jn chiconquiiavitl çan no iehoatl ipa^ tlatoaia in isquich omito, in ipan tlatoaia pochtlan tevhoa.