] nonqua qujntetenque qujnvivipanque ie on tolcellome ie õ meztallome ie on acaxilome ie on tolcellutl innacaio yoan qujnçaçacaque in mamaça in temamanj intoca cavallome Auh in jxqujch in intlatquj in tlamamalchichiuhtiuh muchi namoieloc muchi maceoaloc in aqujn çaço tlein ipan oqujçato qujcujtivetzi qujmotechtia qujmomamaltia qujtquj in jchan yoan vel ipan nemjmjctiloc in jxqujch in çaço tlein oqujmauhcacauhtiqujzque yoan mjec in iautlatqujtl in vncan namoieloc in tomaoac tlequjqujztli in matlequjqujztli yoan cequj vncan tepeoac vncan tepeuh in tlequjqujztlalli in tepuzmaquavitl in tepuztopilli in tzinacantopilli in tepuztlavitolli in tepuzmitl yoã no vncan maceoaloc in tepuzquacalalatli in tepuzvipilli in tepuzmatlavipilli in [fol r
