] anmotlachialtia in jnvitzio in jmaoaio in cultin in citi in jntzicueoallo in jntlapanca in ie nachca onmantivi in vevetque in jlamatque â njcan nellehoatl ipaltzinco titemjctlamati ticochitleoa in totecujo ijxco icpac titlachia in mecavia in cozcatl in quetzalli in piltzintli in nican omotlapanalti A njcan nellehoatl nelle axcan in njcan in jcnotlaleoalco in jcnoacatzaqualco mocozcatlatlapanjlia moquetzaltemjlia in tlacatl totecujo in teiocoianj â in tlacatl in quetzalcoatl â njcan amoquechtlan amotozcatlan amomac qujmotlalilia in cozcatl in quetzalli in anemjuhquj in maviztic in tlaçotli in anecovilonj in acan ca amjxpantzinco amomactzinco qujmotemjlia in patlaoac in quetzalli in vel iaque in xopaleoac