] aia vel quëman oc qualcan in ommotlalito çan achi qujtocatiaque auh in teputzoteca njman ic tzomonque olinque ic choloque quauhtla calacque cequjntin tepetl qujtlecavique cequjntin atlauhtli çan inpan macauh in Espanoles aiac inca muchiuh iehica ca cenca vei in intepololiz ipampa mochololtique mocholtique çan ixqujch in innacaio qujmaqujxtique auh in ixqujch in intlatquj qujtepeuhtiqujzque çan iuh tlacauhtiqujzque tecpan in oncalacque ommotepancaltemato vncã cochque çan cenietivi çan cemololiuhtivi çan centepeuhtivi iehica ca çan mauhcavi çan momauhtitivi Auh in otlatvic in ie achi qualcã njman ie ic tlatlaqua qujqua in inneuhca in ommoneuhcaiotique in oconquaque in inneuhca njmã ic oneuhque [fol r
