04 163

{f. 62v col. b} in aquen tlata in aque momati in ayyel in atle tlacamati aca^ mitoa ma iehva tlapacho y, in aiyel : auh ca ihoa tlavica in tollolli in malcochtli in tetlacamatiliztli. O ca iehoa y in mutequiuh in titecutli in ticteilhuia in tictecuitlauiltia in tlacazcaltiliztli in tlacavapavaliztli, Auh in avcmo tiquitoa y yn avcmo ipan tiza, in avcmo ipa^ tinemi yehoatl y ye ic ticcocolizcuitia in tlacatl in tlatoani, Auh in axcan çan oc moquixtia in movicpa y ye timotlapololtia in titecutli ma xiquito ma xiqueva yn ipan yauh in motequiuh : auh intlacamo xvconcui xvconana aço mitztecutlaçaz in tlatoani anoço mitztotocaz anoço mitzmictiz. Auh ca no iuhqui in motequiuh in tachcauhtli ic moquixtia in movicpa in tlatoani intlacamo xicchiva in motequiuh tiquatzontecoz aço titotocoz aço mitzmictiz in tlatoani. Auh çan no iuhqui in motequiuh in titequiva in ticyacana in telpuchtzintli in quauhtli {p. 235} yn oçelotl in yavc in moteneva in teoatl in tlachinolli in avcmo chicava in avcmo vapava in avcmo ticuitlaviltia, in tlatzontectli, in tlamatzayantli in moteneva in calixatl in apetlatl in avcmo quimocuitlauia in avcmo tlachpana in avcmo quimocuitlavia in otli i ça xiuhpachiuhtoc yehoa y ye ic moçoma y ye ic monenequi in tlacatl in totecuio, yn avcac chicava in avcac vapava iehoa y ye ic quinaya y ye ic quitlatia yn itotonca yn iyamanca, auh ça no iuhqui in ipan yauh in motequiuh yc moquixtia in tlatoani. Xiquilhui in tiquizcaltia in ticvapava. Auh intlacamo xiquilhui aço mitztotocaz in tlatoani aço mitzquatzontequiz anonoço mitzquechtequiz, auh ça no iuhqui in titelpuchtlato çan no tiuhqui, in tlamacazqui in titevatzin in avcmo ticuitlaviltia in tiquizcaltia in ticvapava in tlamacazcatzintli in avcmo quicui in vitztli yn acxoyatl in avcmo quipia in yoalli in ye mocochtecatoc çan no iuhqui in