] qujmjlhuj Tle çã nen in njcan amjcativitze aoqujc iez in Mexico ie ic cenmãia nepa xivia aocmo vncã tla xommocuepacan tla xontlachiacan in Mexico tlein ie mochioa in juh ie mochioa Nimã ic oallachixque oallachixtivetzque in qujoalitta ie tlatlã in jxqujch teucalli in calpulli in calmecatl yoan in jxqujch mexico calli yoan iuhqujn ma ie cuel necaliva Auh in oiuh qujttaque in tlaciuhque iuhqujn canjn ia iniollo aocmo onnaoatque iuhqujn aca itla qujntololti qujtoque inin ca amo totech monequja in tiqujttazque ca ie itech monequja qujttaz in Motecuçoma in otiqujttaque ca amo çan aca ca iehoatl in telpuchtli Tezcatlipuca njman ic poliuh aocmo qujttaque Auh in titlanti aocmo tenamjqujto aocmo tevic qujçato ça vncã oalilotque in tlaciuhque in tletlenamacaque qujnonotzaco in Motecuçoma oalnepanjxtiaque [fol r
