] ie qujtonja in ie camana injc aiocmo teixco teicpac tlachia auh in aiocmo can icnoio in jiollo in ie mjxitl in ie tlapatl mocuepa in maxcatzin in mocococatzin in motzmolinca in mocelica in motzopelica in maviaca in achica in cuel achic in qujtemjquj in qujcochitleoa in tecujotl in tlatocaiutl in petlatl in jcpalli in momavizio in motleio ca iehoatl ie qujtonja ca iehoatl ie qujxacocuj iehoatl ie camana mjxitl tlapatl ie mocuepa ie qujvintia ie qujxocomjctia injc aoc tlatlamati injc aoc teixco tlachia auh injc aocmo icnoio in ijollo in ça iuhquj haoaio in ça iuhquj vitzio in jx in jiollo in jnemjliz in jtlatol in aoccan tetlacama in jnemiliz in jtlachioal auh ca ça nelle ie aquetza ca oc tle ipan tlachiaznequj mach ie on ie quecin qujchioaznequj mach ie on ie quecin nemjznequj ie on ie quecin momatiznequj ca ça nel [fol v
