02 70

{f. 281r} Atlava ycuic. Hvia nichalmecatl, nichalmecatl neçavalcactla, neçavalcactla, olya quatonalla olya Q. n. J nichalmecatl, y nineçavalcac oquicauhtevac yn ioholli, yn ioya, ixquatechimal iquatonal. Veya, veya, macxoyauh quilazteutl yllapani macxoyauh. Q. n. maxiyauh tiquilazteutl. nomac temj yn macxoyauh. Nimitzacatecunotza ya chimalticpac moneço ya njmitzacatecunotza ya Q. n. in iquac onimitznotz ; mochimalticpac timiçoya. {p. 152} Ayac nomiuh timalla a ytolloca acatl nomiuh acaxelivi timalla, Q. n. atle nomjuh yc notimaloa, ca vel itoloc in acatl nomjuh. yn acatl xelivi yc ninotimaloa. Tetoma^ a moyolcan a tlamacazquin tetometl. açan axca^ ye quetzaltototl nicyaizcaltiquetl a. Q. n. onca^ evac in tetoma^, nitlacochtetometl. auh in axca^ ye quetzaltototl ynic nitlazcaltia Y yopuchi noteuh atlavaquetl, açan axca^ ye quetzaltototl nicyaizcaltiquetl a. Q. n. tiacauh i noteuh in atlava : auh in axca^ iuhqui^ quetzaltototl ic nitlazcaltia. Macuilxochitl icuic. Ayya yao, xochitl icaca vmpa nivitz a tlamacazecatl a tlamocoyoale a. Q. n. vmpa nocha in xochitl icaca y^ nitlamacazqui nimacuilxvchitl. Ayya yyao. a yvin tinozic aya teumechave oya, yao tlavicoyacalle a tlamacazecatl o tlamocoyovale a. Q. n. Ma tihuia in tinoçi in vmpa titlaecoltilozque vmpa tocha^ ez tetzauhteutl a notecujo tezcatlipuca quinanquilica^ çinteutl a oay. Q. n. Jn tetzavitl in tezcatlipvca ca oyaque auh ynic tivi vmpa titlananquilizque in centeutl {p. 153}