] oncalaquj ichtaca ic cenca netlaquauhnaoatiloc injc vellapieloz vel mopiaz in jzquj vtli yoan in jzquj acalutli vel necujtlaviloa vel ixpialoia Auh in qujcalaqujaia totomjtl tequjtque intlaivalhoã in calpixque aiutzintepecatl yoan chinantecatl njman vncan ihiotl qujz njmã vncã intequjuh vetz acaloco in qujmõcuexcochvivitecque vitzantica çan monetechvia in tenuchca yoan çan jliviz in qujntzitzquja in tequjtque qujtoaia Ca iehoatl in njmã ic conmjctia Auh intla aca conjttaia ichopilotenteuh njman qujcujtivetzi conmjctia qujtoa ca no iehoatl in oncalactinemj in contlatlamaca in Motecuçoma yoan intla aca qujtta qujmolpilia tequitcaaiatl no qujcujtivetzi qujtoa ca no iehoatl in tlapalpul in tetzauhtlatolli qujtqujtinemj cõcalaquja in conjtta motecuçoma Auh in oc nen momaqujxtiznequj [fol v
