=057 qualcoyonia, auh nima ye quitoa in mimich iyo ca ye quallo in nachcauh, auh in oc ce cihuatl no zan quinotzticac quilhuia no quichpiltzin maximotlaqualti, ° auh in Mimich amo quinotza, auh niman ye tlequauhtla za niman ye qui tlallia in tletl, auh in oquitlalli niman ompa motlalloticalac in Mimich, auh (fol. 80) ±124 icihuatl ompa quitoca ticallac in tleco ce yohual in quitocac ipan ye no nepantla tonatiuh in quitocac auh ye oncan in nepantla temoc in teocomitl ipan on huetzito iz cihuatl yuhqui in tzacpan ohuetz, auh in oquitac ye tzitzimitl in huetztoc, niman ye quimimina zan oncan hualmocuep, niman ye ic huitz tlamatza yantihuitz tlatzonilpitihuiz tlamachiotitihuitz chocatihuitz in oqualloc iniyachcauh, auh niman yeconcaqui in teteo, in xiuh{te}teuctin, ° niman ye huicanazque in cihuatl in itzpapalotl teyacantiya in Mimich auh in ocanato, niman ye qui tlatiya, niman ye cuecueponi in yancuica cuepon xoxouhqui tecpatl inicopa cuepon iztac tecpatl, auh niman conanque in iztac niman ye quiquimilohua, auh inic expa cuepon cozauhquitecpatl amo no conanque zan conitaque, auh inic nauhpa cuepon tlatlauhqui tecpatl amo no canque inic macuilpa cuepon yayauhqui tecpatl amo no canque, auh in iztac tecpatl niman ye quimoteotia in Mixcohuatl, ° niman quiquimiloque, niman ye quimama, niman yeyauh in tepehuaz itocayocan comatlan qui mamatiuh in tecpatl initeouh in itzpapalotl, auh in oquimatque Comalteca con namiquico in Mixcohuatl, niman ye quitlaqualtequillia zan ic conyolcehuique, auh niman ye yauh in tecanma, zan no conyolcehuique quitoque tlemaillia in tlacatl manican mohuicatz, ° auh xiqualcuitin initzihuactzin mani can niquitzotilli, auh niman yeyauh in ocyama aquin ompahualtepeuh, auh in ontepeuh in ocyama, niman ye yauh in Huehuetocan, no hualtepeuh, auh in ontepeuh in Huehuetocan, niman ye yauh in pochtlan no hualtepeuh.
Auh niman ye yauh in Mixcohuatl in tepehuaz in huitznahuac ¾057 quihualnamic in Chimalman cihuatl, niman ye quimana inichimal, nimaye quitema inimiuh, ihuan iniyatlauh zan netlauhticac atleicue atleihuipil, ° auh in oquitac in Mixcohuatl, nima ye quimimina in cequi tlaxilli zan icpac paquiz zan mopacho, inic opa quitlaxilli iyomotlan in quiz zan tlacuelo, auh inic expa quitlaxilli, zan qui macuicauh inic nanaquitlaxilli in metzallan in quiquixti, auh in ye yuhqui in on auhpa quimin, nimaye ic mocuepa in Mixcohuatl, niman ye ic yauh, auh in cihuatl niman ic chollo motlatito oztotl tlatlauhcan in ya, auh ye no cepa mochichihuaco in Mixcohuatl momitico, auh nima ye no cepa ya quitemoto in aocac quita niman ye quin mimictia in huitznahua cihua, auh niman quitoque in huitznahua cihua mati temoc oncanato quilhuique mitztemoa in Mixcohuatl mo pampa quin mimictia in michuan niman ic canato hualla in huitznahuac, auh ye no cepa ya in Mixcohuatl ye no cepa quinamiqui, ° zan no maxauhticac zan no quiman in chimalli in imiuh, auh ye no cepa quimimina, zan no icpac pa quiz in mitl, ihuan ce iyomotlan, ihuan ce quimacuic, ihuan ce imetzallan in quiz, auh niman in ye yuhqui nima ye ic canaitlan motecac in cihuatl in huitznahuac, ca yehuatl in Chimalman, auh niman ye ic otzti, auh iniquac tlacat nahuilhuitl icenca quitollini ininantzin in nima ye ic tlacati ice acatl, auh inotlacat niman ye ic on miqui ininantzin, auh in ce acatl niman ye quihuapahua (fol. 81) in Quillaxtli in Cihuacoatl, ° auh in ye qualton niman ye quihuica in itatzin in tepehua, auh inic moyao mamachti itocayocan Xihuacan ompa ±125 tlama : auh ice acatl oncan itlahuan in centzon mixcohua nimaye quicocollia quimictique in itatzin, auh in oquimictique niman Xaltitlan caquito, auh in ce acatl niman ye qui temohua initatzin, ye quitohua catli in notatzin, auh niman ye quilhuia in Cozcaquauhtli caoqui mictique in notatzin ca nechca in onoc in oquitocato, auh niman canato itic quitlalli initeocal in Mixcoatepetl, ° auh