0 12

ximotlallican icpac in Texcaltepetl, auh in yehuatl in Malinalxoch yeotli yehuey initi. Auh inotlacat iniconeuh in Malinalxoch oquichtli itoca Copil, inita itoca Chimalquauhtli tlatohuani Malinalco. Auh in occentlamantinin in oncan omotlallique in Cohuatepec, quin oncan huelomonextique in Mexica Chichimeca, auh in yehuantin in oncan chaneque in Otomi, Zan quimotetzan huia quitohuaya aquique in campa ohuallaque in nican omotlallico campa in chan ca amotlaca ca cenca tlahueliloque, ± auh in yehuantin in Mexica, niman ye quiquetza inin teocal inichan in Huitzilopochtli, niman ye quimana oncan in Quauhxicalli, ihuan in Yopico, ihuan Tlacochcalco, Huitznahuac, Tlacatecpan, Tzomolco, Atempan, Tezcacohuac, Tlamatzinco, Mollocotitla, Nonohualco, Cihuatecpan, Yzquitlan, Milnahuac, Cohuatlxoxouhcan, Aticpac, cahuel oncan quincenquixti quintecpan, quinpouh in ixquichtin tlatlacatecollo in yehuatl in Huitzilopochtli, cayeica in teyacancauh imachcauh in Diablosme, auh in yehuatl in Huitzilopochtli niman ye quiteca, initlach niman ye quimana initzompan, auh niman ye ic queltzaqua in atlauhtli, in tlamimilolli, oncan omotecac in atl otentimoma itencopa omochiuh in Huitzilopochtli, auh niman oquimilhui inittahuan yehuantin Mexica notahuane, ca ye omoma in atl xicaquican xictocacan huexotl, ihuan in ahuehuetl, in acatl, in tolli, atlacuezonalaxochitl, ± ihuan ye quixinachohua in mimichtin, en cueyame in axollome, in acociltin, aneneztin, ahuihuitlame in axaxayacatl in quatecomatl, yoyolli. Auh ihuan inizcahuitli, ihuan in totome, in canauhtli, in yacacintli, in quechilton, in acatzanatl acollalauhque, tozcacoztizque, auh in Huitzilopochtli niman oquito inin izcahuitli, cahuel nonacayo, neconotlapallo. Auh niman oncan oqueuh inicuic cuicoya nohua mitotia in cuicatl itoca tlaxotecayotl, ihuan tecuilhuicuicatl, in oncan quitlalli. Auh niman oquitoque initahuan centzonhuitznahuatl quilhuia in yehuatl Huitzilopochtli, tlamacazque, caye nican yez in motequiuh inic tihualla in titechiaz, in tinenamiquiz in nauhcampa in tictotopehuaz in altepetl, inic ticaciz melchiquiuh montzonteco ica, ihuan moyollo mezomo, tlapallo, inic tiquittaz in titechtenehuilli inepapan chalchihuitl, in tlazotetl, in teocuitlatl, in quetzalli inepapan ± tlazoihuitl, in tlapapalcacahuatl, in tlapapalichcatl, ihuan inepapan xochitl, ihuan inepapan xochiqualli, inepapan netlamachtilli canel oticnelhuayoti, otictzonteconti, imaltepeuh in nican Cohuatepec, maye nican mocentlallica in motahuan imomacehualhuan in Azteca in Mexitin quitlatlauhtia in yehuantin in centzonhuitznahuatl. Auh niman oquallan in Huitzilopochtli, niman oquimilhui tleinanquitohua cuixamehuan an quimatin cuix amotequiuh cuix an expanahuia ca nehuatl nicmati in tlein nicchihuaz, auh niman ye mochichihua in Huitzilopochtli in oncan inichan in teocalticpac in on mochichiuh inic on moyaoachichiuh zan ic onecuitl inic on moxaxauh in qui mixteyayahualti, ihuan ichimal in concuic inic quinnamic initlahuan, inicmicalque oncan ininan Huitzilopochtli