04 147

{f. 58v col. b} yuhqui macamo omotetec inic neçi Ca no ic tlatlaxochtiaia ic motlauhtiaya. Jn itilmaco micequia, mitoa quiçoa in itilma niman onca quitema in itilmaco in tlavlli nima cuecuepoca tlatlatzca momochitia i quitta iuhquima nele comalco micequi in izquitl ça no onca in tecpa in quichivaio i^ moteneva in itilmaco micequia, ic motlauhtiaya. Jn tecalatia inic motaia ca cuezali in itlan caaquia in cali. quiayavaloa iuhqui maçanele ye tlatla in calli inic neçia ynic tezazanilhuiaya inic tlatlaxochtiaia vnca^ in tecpan quichivaya ic motlauhtiaya anoço tlavlli in quimomacaya in quichivaya y. Jn teutlipan moquetza mitoa in ac iehoatl in ipan quiça in aço Vitzilopuchtli in iuhqui in inechichiuh in vitzilopuchtli ça no iuhqui inic mochichiuaya motexoavanaya in ixquich in inechichiuh no iuh mochichiuaya. Auh vel quitlacayttaya quitlacanotzaia, auh quimacaia in quiquaia in anoço quimololoz in queman. Auh avctle quimauhcaittaya. in natlauhtli in tepetl. anoço quiauitl anoço yeecatl in quita quiacatiuh in campa quivicaz mouicatinemi. cequinti ipan miquia cequinti patia. Jn coatl quiolitia inic titziti, iehoatl ipampa in ichtequiliztli, quinotzaia, auh iehoatl i^ {p. 216} motlapolviani, niman quinechicoa, in icalnavactlaca in itech mochicomati in aço iehoati oq'cuiqz in itlatqui, auh iehoatl in tiçitl niman quicenteca in macevalti in oq'cencaltilli, nima^ ie q'nonotza quimilvia nican amonoltitoqz nopilhoane y iehoa i, inic aca in amocotoca in amovilteca, inic motequipachoa in oq'polo in iaxca in itlatq' i nican acate at aca, oquicuilli in iaxca in itlatq' ma çan ivia, quimaca in amocneli, ca ie valq'çaz in tiçitl iehoatl mitznextiz. auh in aiac tlatoa ca ic omoquixti, nima^ ie contlapoa, in caxitl in oquitlapo, oyol, in coatl, caxteco valmoteca, avic, tlachia, q'mitta, in onoqz in maceoalti çeçeiaca q'mitta, nima ie hoalquiça, in coatl, nima^ ie teixtlan q'ça, in iquac in oquitac in aq' in oichtec nima^ quitlecavia ipa^ moteca nima^ ic conana, quilpia, iquac quimocuitia in oichtec. Auh intlacaiac quitta çan o^pa mocuepa çan opa motecatiuh in caxic amo neltia in tlatolli çan ic pachivi in iiollo i motlapolviani. {p. 216}