cochizque cihuapilli Chalchiuhnenetzin, /¨¨¨/ auh zan yehuantin in tlancochia inimecahuan in quaqualtin cihua, ye omito inin cihuapilli Chalchiuhnenetzin, amochihuac catca, zan yayactic, ihuan amonacayo zan huellomitl initlac catca yehuatl inicamoconnequia Moquihuixtli, ihuan cenca quimictiaya, ihuan ye omito za Itzotzomatzin inic halla nican Tenochtitlan quinonotzaco quilhuico inyuhctzin Axayacatzin inyuhqui cihua ± inyuhquipollohua Moquihuixtli, ihuan inquenin ipan yaotlatohua Tenochcatl in Moquihuixtli mochiquilhuico, auh inoquicac tlatohuani Axayacatzin cenca ic quallan motequipacho, auh yehuatl ic peuh in yaoyotl inic mitohua motenehua Chahuapoliohuac in Tlatilolco, auh in tlatohuani Moquihuixtli inehuan momanca quimotempotica inehuan quitoca in yaoyotl initoca Xillomantzin tlatohuani catca Culhuacan, ihuan oc noce tlatohuani itoca Calmecahua teuhctli, auh yece inin amohuel momati in campa tlatohuani catca inimochtin momanaya Moquihuixtli, auh initeuhc tlatocahuan mochiuhti catca in Moquihuixtli, inic ce itoca Atapalca, inic ome itoca ± Cocipantli, iniquey itoca Tequani, inic nahui itoca Teconalhuitznahuatl inin ichpoche catca in ichpoch quimacac in Moquihuixtli inic motohua imontacatca in Moquihuixtli in Teconalhuitznahuatl. Inic macuilli initeuhc tlatocahuan Moquihuixtli itoca Hecatzitzimitl, inin inizquintin in zatepan quincotzicuillo temazcalco in Axayacatzin temac huetzque iniquac poliuhque Tlatilolca ye iquac in mitohua motenehua in quinyacacin tlatoltique inic atlan Tulla quin callaquique, inic quintocaque, auh inmanca yaoyotl ce xihuitl, iquac oncan mictilloque yaopan in omentin tlatoque ye omotocateneuhque, inic ce yayehuatl in Moquihuixtli tlatohuani catca Tlatilolco in tlatocat matlactli on nahui xihuitl icpac momoztli in quihualmayahuito Tenochca, ihuan itepotzohuan quetzalpatzactli in conmaquiticaya Moquihuix, oncan poliuhuico in itlatocayotl Tlatilolco, inic yehuatl quipehualtica Quaquapitzahuac, zan nahuintin inotlatocatque oncan Tlatilolco ipan polihuico in momotoca teneuh Moquihuixtli, auh inicomentin tlatoque in oncan mictilloque ye omotocateneuh ± itoca Xillomatzin tlatohuani catca Culhuacan inin ipiltzin initoca Acultzin tlatohuani Culhuacan, inic polliuhque Tlatilolca ye omito yehuatl quichiuh in Axayacatzin oquipan oquimatian mochiuh in tlacatl catca initoca Tlacayelleltzin Cihuacohuatl in cemanahuac tepehuan (auh yehuantin quihual tlatolmacaya in Axaxayacatzin inic poliuh Tlatilolcatl itoca Tepecocatl, inic ome itoca Calmecahuateuhtli, zan macehualpan quintechihuilli in tlacateotzin, auh zatecpan quincotzicuiloque inipampa tetzauh tlatoque.
Auh zan niman ipanin in omoteneuh in 9 acatl xihuitl, 1475 años, in compehualti in ye quauh tlatohua intlacatl Itzquauhtzin Tlacochcalcatl in yequipia altepetl Tlatilolco, inic ye tlatocapohui, ye yehuatl quitlalli in Axayacatzin inin ipiltzin in Tlacateotzin.
Auh ipanin in tlacatl Axayacatzin iquac tlatocati in Tenochtitlan, ± in momiquillico in tlacatl Tlacayelleltzin Cihuacohuatl catca in ipiltzin Huitzillihuitl inin
