] izcaltilo in tonatiuh Auh in chicome xochitl mjtoaia qualli ioã âqualli ynic qualli ceccan vncã tlamaviztiliaia motemachiaia in tlacujloque qujtlaliaia yxiptla qujtlamanjliaia no iehoan in cioa tlâmachchiuhque icpachiuhque achtopa qujneçaviliaia nappoaltica aca vmpoaltica cempoaltica in moçaoaia ic qujtlaitlanjliaia injc itla vel aizque m matizque toltecatizque vellalalizque vellacujlozque in jpan intlamach intlacuilol ic mochintin tlenamacaia tlacotonaia auh mochintin mâaltiaia maujujxoaia yn jquac neoalco in vncan ilhujqujxtililoia chicome xochitl auh injc amo qualli mjtoaia iquac intla aca tlâmachchiuhquj yneçaoaliz qujtlacoaia mjtoa vncã qujmomacevia avilquizcaiotl aviltocaitl injc çã âavilnemjz âavienjtiz ca mjtoa tlaquauh avilnemja mâaviltiaia in tlamachchiuhque qujlmach iehoatl inca mocaiaoaia qujquequeloaia in inteouh catca itoca xochiquetzal ioan qujtemacaia [fol v
