33v 127

] Auh in ie iuhquj njmã ie ic calaquj in teuitoalco in temjctizque in intequjuh in temjctique çan tlacxipãvia imeevachimal cequj intotopchimal yoan intetepuzmaquauh njman ie ic qujniaoaloa in mjtotia njmã ie ic vi in vevetitlan njmã qujmavitecque in tlatzotzona oalcocoton vmexti in jmacpal çatepan qujquechvitecque veca vetzito in jquech njmã ie muchintin texixili tepuztopiltica yoan teviviteque tepuzmaquauhtica cequjntin qujncujtlaço njman valmotoxaoa in incujtlaxcol cequjntin qujnquatzatzaianque vel qujtzeltilique in intzontecon vel itzeltix in intzõtecõ Auh in cequjntin qujmaculhujtecque oalcacamatlapan oaltzatzaian in innacaio cequjntin qujncotzvivitecque cequjn qujnmetzvivitecque cequjntin qujmjtivitecque njmã moch [fol v