=
acatl oca quichiuhque yn itemazcal yn oca temazcaltitla yn temazcaltitla eôn cân cate ocamotenque
{6 acatl xihuitl}
± Nimanoca nonehuaque yn tlatemoto ynaxollohua no yehuatl yn quauhcohuatl ymomexti yaque yno yn paquiçanto acatitla yn mani tenochtli ycpac moquetzticac yn quauhtlin yn itapaçol yn ipepech yxquiuh y nepapatlaço yhuitl yn tlauhquechol yn xiuhtototl yn ixquich quetzanlli auh ca oca quitaque yn itzonteco yn nepapa totome yn tlaçototome yn itzonteco oca çoçoticaten. auh ca oca quinoz yn diablo quimilhui oca ye yci yn mexico tenochtitla auh nima hualla yn quauhcohuatl nimân ye tlanonotzan quimilhuiya yn otiquitaque yn opa otihuiya yn atl yuhqui y matlallayotl auh ca onpa oquillaquique yn axollo hua nima nic hual mocuep yn quauhcohuatl yniuh quimilhuico yn icnihua ônpa omic yn axollohua oquilaquique yn opa otiquintaque acanepatlan yn mani tenochtli ycpac moquezticac yn quauhtlin ynhua yn itapaçol ynitlamani ynipepech ça mochi yehuatl yn nepapan tlaço ynhuitl yhua ynnatl. yn iuhqui matlallayotl yn nônca noquillaquique yn axollohuân yn otlanonoz ça nimoztla yoc yn quiçaco ynnaxollohua ± Nima ye quimilhui ya yn nicnihua ca oniquitato yn tlaloc ca onechnoz ca quitohuan ca oquimiyohuilti yn nocniuhtzin huitzinllopochtlin ca oacico ca yehuatl otlaçotiz ynic nemiz yn tlalticpac totonehua auh yn oquimononoz nima yc yaque tlachiya to yn oquitato yn tenochtlin yn oquitaque nima ye tlatlachpana yn itzintla tenoch[tlin] oca cotlallique yn itlalmomoz yn xomimil auh maahuiltito ¾ yn opa quinamiquito yn colhuacatl tlacateuhtli nima quihualhuicaque yn oquihualhuicaque ça yohualtican yn itic contlallique yn itlalmomoz quiyollotique yn tlacateccatl yn itoca chichilquauhtlin yn colhuaca tlacateccatl yn ipan xihuitl yn quitlallique yn itlalmomoz omen tecpatl yn xihuitl
Nima ye quitohua // yn xomimil ocân // e nican otaçico ma // titotla tlamallica
Ocelopa
nima ye quitohua yn // yoyahue aca yehuatl // ynic otihualnetlama//tiyaque
Nimân quito tenoch // yyoyahue aca ye//huatli ynic otihual//chocatiyaque yno yc // tonehuac yn toyollo // yn tonacayo
Quauhtliquizquin // quito oquimiyyohuil//ti yn tlacatl ± ca oma//xitico yn Huitzin//llopochtli ca yehuatl // otlaçotiz