Planche 2
ÿ chalcatl ytoca Tecpoyochcautli. Auh in Tecpaoyochcauhtli iuhquin momauhti in oquithuac Tlotli itlahuitol yeti... oquilhui in Tecpoyoachcauhtli Tlotli : Nopiltzine ! ma motlantzinco ninemi ! Auh in Tlotli amo quicaqui, ca Chichimecatl. Auh niman ye za quihuicatinemi in tlatlamina tlotli. Auh in quiminaya mazatl, tochtli, cohuatl, tototl, quitquiliaya Tecpaoyoachcauhtli. Auh in Tecpoyoachcauhtli, quin yehuatl yancuican quitlehuachili in itlamin Tlotli; qui yancuican icocic quicoalti in Tlotli, ca za quixoxouhcaquaya in quiminaya.
Auh in Tecpoyoachcauhtli huecahuac in itlan nimiya Tlotzin. Niman ye quinahuatia, quilhui : Nopiltzine ! ma niyauh ! ma niquimithua in mococolhuan in Chalca, in C... tlateca ! Auh ma niquinnonotza in onimitznothuilico, yuh motlantzinco ninemiya ! Auh in Tlotzin ye achi quicaqui in itlatol; quitquiti tochtli, cohuatl huacaltica.
Auh in Tecpoyoachcauhtli hualla in itlan Tlotzin; quilhui: Nopiltzine ! ma nozo xiquinmothuili in mococolhuan in Chalca !
In Tlotzin niman quihuicac; quiyacantiya in Tecpoyoachcauhtli; quimamatiya mazatl, tochtli, zan no yehuatl in quitqui in achto ic huiya. In oacic Tlotzin, quihualnamicque in Chalca; quitlalique, quitlamacaque; in quimacaque tamalli, atolli. In tamalli amo quicoa, in atolli zan conyeco. Niman ye quinnonotza in Chalca in Tecpoyachcauhtli, quimilhui ca amo momopilhuatiaya in Tlotzin. Niman yam...in Chalca, ca in Chalca diablo quitlayecoliya. Tlotzin ca Chichimecatl amo quimatiya in iuh quintlayecoltiaya Chalca in diablome. Ca in Chichimeca zan quixcahuiyaya in quintimotiniemi in mazatl, in tochtli in quicoaya. Zan iyo tonatiuh quiteotocaya, quimotayiyaya; inic quiteotocaya tonatiuh quiquechcotonaya in cohuatl, in tototl; quitatacaya tlalli, zacatl quitzetzelohuaya, ipan quixitzaya in eztli. In tlalli iuhquin no quiteotocaya, quimonantiaya. Ixquich in inic quimiztlacahui diablo inic quimotlatlacalhuilique toecuyo icel dios teotl.
In Tecpoyoachcauhtli in oquimithua iuhanyolque quinmacac in tochtli, cohuatl, ihuan quinonotz in huecauh o-itlan-nemiya Tlotzin, iuh quimilhui in iuh oquihuicatinenca otlatlaminaya.
