 |
 |
 |
 |
 |
 |
 |
 |
Paleografía:
ixtzinco
Grafía normalizada:
ixtzinco
Tipo:
r.n.
Traducción uno:
I-58
Traducción dos:
Diccionario:
CF_INDEX
Fuente:
1580 CF Index
In quaujtl ca qualli ca monequj ca itlachioaltzin in Dios ca miec tlamantli ic muchioa ca ic muchioa in calli in uncan tinemi yoan ic muchioa in acalli ynjc netlaiecultilo ipampa hi vellaçotlalonj in quaujtl ynjc muchioa in totech monequj ynjc titotlaiecultia A Auh in quaujtl ynjc muchioa in tlateutoqujliztli vel telchioalonj auh in qujchioa in qujxima vel oitlaueliltic vel telchioalonj yn ivan in quaujtl auh in quauhxiuquj monequj cenca telchioaloz iehica ca oqujchiuh in amo monequj in cenca tetlapololti auh in quaujtl cenca monequj no telchioaloz iehica ca çan quaujtl auh teutoco B Auh in totecujo Dios vntlamanjsti cenca qujmotlaelittilia yn tlateutocanj yoan in tlateutoqujliztli in qujpeoalti tlateutoqujliztli yoan in tlateutocatinemi ymumexti mictlan cemicac tlaihiioujltilozque C In iehoantin in diablome oqujpeoaltique in tlateutoqujliztli ipampa aic qujnmotlaoculiliz in Dios auh maciuj yn itlachioalhoan Dios monequj cuculilozque telchioalozque ca teiztlacaujanjme teixcuepanjme tetlapololtianjme D In iehoantin vel achto oqujtzintique in tlateutoqujliztli in idolosme