=09 Yn Colhuacan yn Chicomoztoc yn quin euhyân Vncan quixohuac oncan quizque, yn tocolhua ynic Maman | altepetl ynînpân yc hualquizque yn incha yn oztoc yn motenehua• chicomoztoc ynic quizque ce atl {acatl}, xihuitl yn çemilhuitonalli yPan quizque, ce çipactli Auh yn oyuhquizque, Matlac xihuitl omey yn quiztinênque y nequametla yn tzihuactla yehuatl yn intilma yehuatl inin maxtli çotolli yn incac yn coçolyahuallol yntlahuitol yntlemacuex yn quiquiaya cohuatl, tochi, maçatl netzolli xoconochtli Nopalli | Auh ynic huallehuaque, centecpaxihuitl yc mac{tlac} xihuitl yc ônnahui ynihualquizque chicomoztoc ynic hualehuaque yn onaçico Quetzaltepec, oncan Nexexeloloc• ±± Huallehuaque Hualyacatia yn azcapotzalcatl hualteyacan Matlacohuatl. Niman ye quihualtoquilia xochmillcatl, hualteyaca quauhquilaztli. Nima ye chalcatl hualteyaca chichimeca tecuhtli quihualtoquilli Acolhua hualteyacan Maçamoyahual Niman ye Colhuacatl hualteyaca Quauhtexpetla Nima ye mizqui{catl hualteyaca Xalpanecatl. Niman ye quauhnahua}catl hualteyaca Pechitl, Nimân ye cohuixcatl yn hualteyacân {tlecuilina. Niman ye matlatzincatl hualteyacan tecpa} tlecpilhuan. Niman ye malinalcatl hualteyaca Çitlalcohuatl. Auh in Mexica[tl] yn quachpane yhua, in matlacteçacahuaque, oc onpa onc{a}hualloque, oc huecahuaque | Niman yehuallehua, in Mexicatl, quihualyacân Tlotepetl Auh yn Michhuaque quipachohua teoatl yn matlacteçacahuaque ymachcauh Acix. Auh in tlotepetl ynic quinahuatia yn quachpane matlacteçacahuaque ye yequimilhuia Mano çotihuia[n] canilhuiloc yc ye quihuallihua {canuiloac yc ye quihualilhuia} Ma ximoluicaca ma ye xitlamachiotitihuiuh {ma xicmatzayântiuh in quahuitl matetl xictlalitiuh} ynic tiquitztiazque niman ¾09 niman ye yc huallehua hualteyca {hualteyacana} tlotepetl xiuhcohuatl. niman cuitlacihuatl epcohuatl apan techiuhtli, quauhcohuatl xiuhtecuhtli, Acamilcatl Mixcohuatl, quauhtliquetzqui Tehuillan Cuitlachcohuatl, çipac yuitl ye yuh moztla hualquiçazque tlatzalla[n] ye quimotitia T[l]otepetl | Vitzilopochtli | tlacatecolotl yn oquimoteotique Mexica Nahui Quauhtli cemilhui tonalli ypân quinotz[a] tlotepetl Macamo xitlaocoya macamo xinentlamati ye nehuatl nicmati nimitzhuica nimitzyacana yn on açique Tlatzallân, vnca moquetzque yn Mexica oncan mic yn /•••/ {tlotepetl ihuan ihueltiuh Huitzilmoyahual in oyuh omic} tlotepetl Niman ye conixquetzque in quauhtliquetzqui ye /yc/ quihualyacân ÿn mexica Auh yn onaçico, huaxquauhtla niman ye yc quitlalia tlalmomoztli ynon catca matlacxihuitl omome Niman ye hualehua omotlalico Cohuatl, ycamac oncan motlalmomoztique yexiuhtique Niman ye huallehua omotlalico Matlahuacalan motlalmomoztique yexiuhtique, valeuaque omotlalico ocoçacapan no motlalmomoztique macuilxiuhtique valehuaque omotlalico Cohuatepec no motlal momoztique ye yuh na[uh]xihuitl onoque | Onca molpilli yn ixiuh chiuhnauhxiuhtique yn oncan vallehuaque, omotlalico chimalcoc No motlalmomoztique ye iuh nauhxiuhtia vncan tecuh huetz yn quauhtli y quetzqui macuilxiuhtique yn oncan yn exiuitl ayac quiyacanqui in Mexica vallehuaque omotlalico tlemaco No oncan motlalmomoztique quimacaque quitlalique yn quinhualyacatiaz yehuatl tecuhtli ça hualhuehuechiuhtia yn quauhtli y quetzqui ±± vallehuaque oxiuhtique vncan vallehuaque onaçico yn tollan No motlalmomoztique chiuhnauhxiuhtique vallehuaque omotlalico, atl itlacya No motlalmomoztique Exiuhtique vallehuaque vmotlalico atotonilco motlalmomoztique çexiuhtique vallehuaque omotlalico, apazco motlalmomoztique ye yuh oxiuhtique
ocan mic Apatecuhtli
