01 113

{f. 85r} Jnic matlactlamantli oçe yehoatl yn epatl yn aca ychan callaquia anoço vncan mopilhoatia motenevaya ye miquiz yn chane. Jnic matlactlamantli omome tetzauitl catca yehoatl yn azcame yn aca ycha^ molonia mitoaya ie miqui y^ chane. Jnic matlactlamantli vmey tetzavitl catca yehoatl yn tlacaveyac yn aca quittaya iuh motenevaya ye yaumiquiz. Jnic matlactlamantli vnnavi tetzauitl catca, yehoatl in tlacanexquimilli yn aca quittaya mitoaya ye miquiz. Jnic caxtollamantli tetzavitl catca, yehoatl yn centlapachto, yn aca quittaya mitoaya ye miquiz. Jnic caxtollamantli oçe tetzavitl catca yehoatl in coiutl yn aca quinamiquia anoço quiyacaviltequia mitoaya ye miquiz. Auh yn altepetl ytetzauh catca ynic muchivaya yehoatl in texcalli xitinia anoço tepetl xitinia : yoa^ oc cequi yn amo vel ticmati {p. 176} Nima^ yeevatl in tequanime choca no itetzauh catca yn altepetl. Auh oc no cequi yn amo ticmati. {p. 176}