0 59

=059 chalchiuh in to quetzal, niman concuique, niman yehui, niman quitoque, ° cayequalli zaoctocontlatia in tochalchiuh octlaiiyohuiz in Toltecatl zan tel nauh xihuitl, auh niman ye cehuetzi, auh inic huetz in cetl centlanquatl polliuh in tonacayotl teucilhuitl in cehuetz, auh zan iyoca in Tollan in tlatonalman moch huac in quahuitl in Nopalli in metl, auh in tetl moch xixitin tlatlapan tonaltica, auh in yetlai iyohua in Tolteca in ye apizmiqui, niman ye Xochimiqui in azo caca itlatzin quimopiellia, niman ye quimocohuia in totoltzin, niman ye motamalhuia, niman ye tlaqua, auh chapoltepecuitlapilco in motlalli inpan namaca illamaton, ° niman ye conmocohuia inpanitl, niman yeyauh inipan miquiz in techcatl, auh inoacic in nauh xihuitl in omayanque, niman moteititique in Tlalloque oncan in Chapoltepec in oncan ca atl, niman yehualpan huetzi in xillotl in tlaquaqualli, auh oncan ca ce tlacatl Toltecatl quitztica niman ye concui in tlaquaqualli, niman ye quiquaqua, auh niman oncan atlan hualquia ce tlamacazqui Tlalloc, ° niman ye quilhuia macehualle tiquiximati niman quito in Toltecatl ca quemacatoteoye, ca ye huecauh in tictopolhuique, auh niman quilhui ca ye qualli oc ximotlalli oc nicilhui in tlacatl, auh ye no cepa callac in atlan, auh amo huecahuato niman ye no cepa hualquiz in quihualitquic yelotl cen malcochtli, niman ye quilhui macehualle izcaxicmaca in Huemac, conitlani in teteo in Tozcuecuex icbpoch in Mexitin ca oc yehuantin in quicuazque ca achitzin in conquatiaz in Toltecatl ca ye pollihuiz in Toltecatl, ° ca ye onoz in Mexicatl, auh nechca in quimacatihui oncan in chalchiuh coliuhyan in pantitlan, auh niman ya quinonotzato in Huemac (fol. 83) yuhquilhui in oyuh qui nahuati in Tlaloc, auh nima ye tlaocoya in Huemac, nima ye choca quitohua aucaye yuhqui aucayeyaz in Toltecatl, aucaye pollihuiz in Tollan, auh niman quimonihua quimontitlan omentin ititlahuan ¾059 in ompa xicococ itoca Chiconcohuatl, ihuan Cuetlachcohuatl quitlanito in Mexitin inichpoch itoca Quetzalxochtzin {Quetzalxochitzin} ayamo hueioc piltzintli, ° auh niman on yaque in ompa Xicococ, niman ye quimilhuia catechallihua in Huemac, ca conitoa ca omoteittitique in Tlalloque qui tlani inimichpoch in Mexica, auh nima ye mocahua nauhilhuitl in quinezahuillique in Mexica, auh in otlan nauh ilhuitl niman ye quihuica in Pantitlan quihuicac initatzin niman ye quimictia, ° auh yenocepa ±127 oncan qui motitique in Tlalloque quilhuique in Tozcuecuex Tozcuecuexe macaxitlaocoya zan tichuica in mochpoch xictlapo in miyeteco oncan quihuallalique iniyollo in ichpoch ihuan in ixquich nepapan tonacayotl quilhuique nican ca in quiquazque in Mexica ca ye pollihuiz in Toltecatl, auh niman yeic hual mixtemi onima yeic quiyahui cenca tillahua nahuilhuitl in quiyauh ce cemilhuitl ce ceyohual ipan atl quallo nimaye ixhua in nepapan quillitl in ye ixquich in xihuitl in zacatl, auh zan non moyocox in ixhuac in tonacayotl, auh niman ye toca in Toltecatl in cempohualli in ompohualli tacique ye cuel yahuallihui zan cuel in mochiuh in tonacayotl, auh iniquac mochiuh in tonacayotl ome acatl in ipan xiuhtonalli. ° Auh ipan ce tecpatl in ye pollihui Toltecatl ye iquac in callac in Cincalco in Huemac, auh niman cequiteme mocuepque auh cequintin yaque inic nohuian cenmanque. Auh niman ye huitze in Mexica ic huallolini. 1 Tezcacoatl Huemac, 2 Chiconcohuatl, 3 Cohuatlayauhqui, 4 Cuitlachcohuatl. 13 xihuitl 1 acatl ° Auh yehuantinin in quincauhtiya in tlapiaya nahuintin intoca inic ce tlacatl itoca Cohuatlayauhqui, inic ome itoca Cuitlachcohuatl, auh inic ei itoca Chiconcohuatl, auh inic nahui itoca Tezcacohuatl yehuatl in Huemac, auh inic tlapixque matlacxihuitl omei inic nenque. Auh inic huallaque in Colhuacan in Aztlan, inic huallehuaque in Mexitin ompohual xihuitl on caxtolli ipan ye xihuitl, 1 tecpatl, auh izcatqui inic onoca in Chapoltepec in ocimatian in Huitzillihuitl ompohual xihuitl in oncan