] qujnmochielti vel cacactivetz in calli aiac in ma ivic qujz tlacpac in motlatique icpac in tepetl xoloc noviampa vallachielo acã motlatique tlapechian tlacomulco anoço atlauhco ie qujmacacia ie qujnmauhtia in ma amo qujmjmachititi in iniauvan in maca innemachpan inpã valcholoti Auh in otlatvic in ie iazque in ie oneoazque in ie onolinjzque njman ie ic tlatlaqua ie ic vmpeoa necoc omac onotivi in mamaça in intemamacaoan intoca cavallome auh in ixqujch tlamama çan tlatic onotivi ololiuhtivi Auh in ontlanque in vi nec contlequechia contlemjna contlecavia in otonteucalli yoan in jxqujch teucalli in incal tlatlacateculo nec tlatla cuecuetlaca in tlecueçallutl in tlenenepilli in tlecocomochtli [fol r