67r 201

] Auh in ie iuhquj in jxqujchtin tiiacavan nec qujvalcentlaça in omopachotoca caltzalantli qujvaltotocatiqujzque Auh in Españoles in oqujttaque ça iuhqujn tlavãque njman ie ic tlamalo mjequjntin in axivaque in tlaxcalteca in aculhoaque in chalca in xuchmjlca &c vel tonacatlamaloc tonacamjcoac vel atlan qujnnemjtique in Españoles yoã in ie ixqujch tlacatl auh in vtli vel petzcauhtimoquetz aoc vel nenemoa ça nepepetzcolo ça neaalaoalo Auh in mamaltin tevivilano Ie vncan in in axioac in vandera vncan anoc iehoantin cacique in Tlatilulca vncan in macic in ie axcan sanct Martin moteneoa çan atle ipã qujttaque amo õnecujtlaviloc Auh in oc cequjntin tematitlampa qujzque vmpa qujmõciauhcavato in colhoacatonco [fol r