in ichpoch in Achitometl Xicmictican Xicxipehuacan, iniquac ino anquixipeuhque, ce tlacatl xoconaquican in ± tlamacazqui , auh niman ye quimictia, yequichipehua in cihuapilli inoconxipeuhque iniyehuayo, niman ye conaquia in ce tlacatl tlamacazqui, auh niman oquitto, in Huitzilopochtli notahuane tlaxicnotatzi in Achitometl, niman oyaque in Mexica oquinotzato quilhuia totecuiyoye noxhuiuhtzine, tlacatle tlatohuanie timitztotlahcahualtilizque timitztotlapololtilizque in timomacehualhuan camitz motlatlauhtilia in mocolhuan in Mexica, caquitohua maquimotilliqui, maquimotlapalhuiqui in teotzin, catocon tonochillia; auh niman oquihto in Achitometl cayequalli matihuian, niman oquimilhui initlatocahuan in Achitometl matihuian in Tizaapan techcohuanotza in Mexica oquinanquillique, oquilhuique, cayequalli tlatohuanie maximohuica, auh niman ye quihuica olli, copalli, amatl, xochitl in yetl, ihuan initocatlaca tlaqualli, ic quitlamanilizque in teotl inyuhquilhuique ± Achitometl, inic quinotzato, auh ca ye amo nelli in yehuatl, auh caye yehuatl inoquixipeuhque auh ino acic in oncan Tizaapan in yehuatl in Achitometl quilhuia in Mexica, inic yequihualamiqui otic mihi yohuilti noxhuiuhtzine tlacatle, tlatohuanie cocoliztli timitz tocuitilizque in timocolhuan, in timomacehualhuan maxicmotilli maxicmotlapalhui in moteotzin, niman oquitto caye qualli no colhuane, niman ye conana in olli, in copalli, in xochitl, ini yetl in tlacatlaqualli, yequitlamamaca ixpan quitequillia in Zantlapic iteouh, in yehuatl inoquichipeuhque, auh in yehuatl in Achitometl, niman yeic ixpan quinquechcotona in Zozoltin initeouh, auh ca ayemo huel quittaya, inaqui in ixpan quiquechcotona in zozoltin, niman yeye quitlenamaquilia, quixahuilia in tlemaitl, inon maquitac inehuatl in ce tlacatl inichpoch in Achitometl cenca omomauhti, niman ye ic tzatziquintzatzilia initlatocahuan, ihuan inimacehualhuan quimilhuia aquique in¨ a¨ Culhuaquehe, cuix amo anquitta, ± caoquixipeuhque in ochpotzin amo nican yezque intlahuelliloque, tiquinmictizque, tiquinpopollozque, nican tlamizque in tlahuelliloque, auh niman ye ic moyaotla, niman ye quimilhuia initahuan in Huitzilopochtli, canehuatl nicmati zanihuia Zaniyollic xonquizacan. Auh niman yetetoca in Culhuaque quintoca in Mexica, niman ye quimonquequetza in atlah in Mexica, inic quinhuallehuitique tepehuaco in oncan itocayocan Acatzintitlan, in momatque Culhuaque azo oncan oixpoliuhque in Atlan, niman oncan hualchimalpanoque ic panoque in mitl, in chimalli, auh in mitl in mitohua in tlacochtli, in motocayotia tlatzontectli, quicuicuitlalpique, ipan motlallique in atlan inic hualpanoque. (Auh in occequintin Mexica in amo huel hualpanoya panohuani quimontequillico ce cihuatl moxauhticac amoquimati in campa hualla inic hualpanoque ± Mexica oncan quinhualtepeuhtiquizque pipiltoton tizozoltica onoque, cequimohuillana quinimoztla yoc in quimanato amomicque in oncan Acatzintitlan, /ihuan j chimalli/ niman quin yehuantin icontlatocayotique Acatzintitlan)
