] cenca momauhtique nemauhtiloc neiçaviloc tlatenmachoc netenmachoc nenonotzalo nececentlalilo neoholololo nechoqujlilo nechochoqujlilo techoqujlilo ça tlaquechpilivi ça tlaquechvi nechoqujztlapalolo techoqujztlapalolo teellaquaoalo neellaquaoalo tepepetlalo pepetlalo in pipiltzitzinti in tetaoan qujtoa Veh nopilhoãtzitzine quen vel ameoantin in oamopan muchiuh in tlein ie muchioaz auh in tenanoan qujtoa Nonopilhoantzitzin que ço uel amehoanti in anqujmaviçozque in tlein ie topan muchioaz yoan ilhujloc ixpantiloc machtiloc nonotzaloc caqujtiloc yiollo itlan tlaliloc in Motecuçoma ce cioatl njcan titlaca in qujnoalhujcac in oalnaoatlatotia itoca Malintzi teticpac ichan in vmpa atenco achto canaco Auh njman iquac peuh in aocmo onnecxitlalilo in ça mocujtlacueptinemj in titlanti in jpan ontlatoa in jzqujtlamantli in jzqujcan icac in intech monequjz Auh çan njmã no iquac in qujtemotivitze [fol r
