0 5

=05 castilla quicoleuhque yn i huapalli yn ipân matihui Caualloti yxopetlayo Ompân Motlatito Ym omexti[n] yniquac quimopilhuique tlatohuani Quauhtemoctzin yn calaque Caualiliça ypân moquetztihui huapalli Auh tlani temoque ynpân quihual{mo}tzauhque ym omextin ye chicomilhuitl nenemi yn acalli tlatoticate oncan monotza Auh yn oquicacque quilhuitito in Marques yhuân Malîn aquique in tlatohua ytic acalli Niman quito in Marques yhuân Malîn{tzin} xiquimitaca aquique Auh yehuatl Malinen oquimitac ca tlaca Ca yehuatl in Ecatzin tlacatecatl Tlapanecatl popocatzin Yhua[n] Temillotzin tlacatecatl Tezcacohuacatl popocatzin Auh yn oquimitaque Nimân quilhuito imarques ca omenti[n] ca yehuatl yne Ecatzin yn huel ticmotemolia yn ocaçic Vântelân yhuân temilotzin tlacatecatl Auh nimân quihualquixtito yn tlatzintla[n] catca Auh yn oquimittaque quito in Mali[n] yhua[n] Marques tle yca amomauhtia Ancholohua Otlana[n]quilli in Ecatzin oquito cuix amotemauhti yn iqualantzin yn tlacatl teoutl Marques ca ye quimopilhuia yn tlatohuani Quauhtemoctzin yhuân ome[n]tin tlatoque ypampa otitotlatito Ma oc çehui yn iyollotzin teotl Marques ypânpa yn ic otitotlatito Çihuapille Malitze {quito} Tla xihualauh ye ca quimitalhuia teoutl Yn axcan Ompa tihui Castilla[n] tictotilizque huey teoutl tlatohuani Ompa titetecoz anoço tihuihuilanaloz Ompa tipopolihuiz Auh yehuatl in Ecatzin tlacatecatl tlapanecatl popocatzin Oquilhui in Malitzin Cuix ninomauhtia cuix amo çan [n]o [i]hui yaopân onimiquizquia Ca tel ye yc niauh Cihuapille Malitzine ±± {quito} Tla xihualauh tla xiccaqui çan ihuiântzîn xi{qui}to quezquintin yn otiquînmicti teteo Soldatozme Nochpoch matzine amo niquînpohua cuix hamo ninotlalohua Aço niccuexco{c}huitec anoço oni[c]metzpoztec Anoço onicxopoztec Anoço /oquic/ onicmapoztec Noço onicquatlapân Cuix niqualita Ytla omic Auh ytlacamo omic Cuix tlapohualli aquîn tlapohua ca ça[n] nitlahuitequi Cuix nicmati ytla omic ytla camo mic ¾05 Auh yn tehuatl Temillo melahuac xicmocuiti quezqui huel otiquinpopolo teteo tla ximocaquilti Malitzine Ca oconmitalhui in Ecatzin Cui{x} nitlapouhtica niayaoti nitlahuitequi {ni}temayauhtiquiça amoça miec Auh yn axcân ca tihui tictotilizque in huey teoutl tlatohuani Castilla[n] moyetztica Ompa anpopolihuizque amiquitihui [tl]{anânquilli} ma yn mochihua ca tel ye yc tihui nochpochtze Malitze Auh yniquac mochiuh tlatolli ca ye yxquich chiquaçemillhui y[n] nenemi acalli Auh nimân oquitlatocatlali yn marques oquimilhui yn axcân a[n]huehueÿntin antlatoque ximotlalicân auh omotlalique ym omexti tlatoque | Auh nimân hualmoquetztehuac Yn temillotzin yn momati Ecatzin aço maxiçaz Nimân ye quilhuia En ecatzin tlatohuanie Ecatzine cân tihui cân titlamânti Ma tihuiân yn tochân y ecatzin quimolhuilia tleyn timalia temillotzine ca{n} tiazque ca ye chiquaçemilhuitl ye nenemi Acalli. Auh yehuatl Temillotzin Amoquicaquiznequi yn quiçalohua Macamo yauh yn ca[m]pa yaznequi | Quihualittaque | atlân ohualmomayauh Atlacxohuitectihuitz Tonatiuh ycallaquiapa ytztihuiz quihualtzatzilia in Malitzîn quilhuia cân tiauh temilotzin xihualmocuepa xihualmohuica amo tetlacamân Çân ca hui[t]z yequene ye poliuhtiuh Ayac quimati yntla atenquiçaco Anoço Cohuatl oquitollo Anoço cuezpalli oquiqua yn anoço Michin quiquac in temillotzin Auh yntla atenquiçaco Amo neçizquia amo ihitozquia i[n] nican ymalnel noço altepetl ypân Amo neçizquia Çan ihui ynic mopolihuiltito ayac quimomictili Ça yehuatl yn tlatolli quimoca{quil}ti ynic tetecozque Anoço huihuillanalozque ynic momauhtitzino temillotzin auh ca ça Çen yn ipiltzin Xptiano omoquatequi Don Juan ahuelitoc Yc oncân tlami ynic momiquilito tlatohuani quauhtemoctzin pochotitechpiloloque Auh o[c] çequi Yn amo nica mocaqui tlatolli Çan onca poliuhtica in tlatocayotl Tlatilulco Auh yn Ecatzin Caxitique Castilla[n] huel quimotlapalhuito Y[n] huey tlatohuani Emperador cahamo mictilloc yn Don Martin Ecatzin tlacatecatl tlapanecatl Popocatzin hualmocuep Macuilli xihuitl ynic nicân Açico Mexico tlatilulco Ca ompa quimomaquili altepetl ynic tlayecoltiloz Ytocayocân tziuhcohuac altepetl.