03 166

{f. 63v col. a} yn inchoquiz, in intlavcol, in imelçiçiuh in tlacatl in totecuio in oquimomaquiliaya yn itotonca yn iamanca yn oquipiaco yn izquican icac in tonacayutl yn no tealtique in no nanacaquaqz yn omotlamachtitiaque yn amo yc atlamati yn amo ic cuecuenoti yn ça^ nilhuiz toloa, momalcochoa mopechteca ynic nentivi ynic onotivi. Auh in axcan otiquiçaco, otimoquetzaco in titecutontli in tiquacviltontli, in tachcauhtontli in tipilli y ye timochi in titelpuchtontli in titlamacazcato^tli y ye nican tixcuecuechotinemi y ye nican timoquatlaztinemi, Auh y yehoatl yn avcmo ticpinava in pilli in tlatoani, y nican chaneque quimacazi in atl in tepetl quimacazi in pilli in tlatoani in vevetzin in illamatzin quipinava quimaviztilia quitoa y nican channeque que^ techitaz in tonan in totan. Auh in axcan otiquiçaco otimoquetzaco in titlamauiltia in titlacuicuitivetzin, in amo monemac in motech tictlalia y ye mitztlapololtia ym maxca in motlatqui y ye ic tivinti y ye ic tixocomiqui in tiqui, in ticqua yn avcmo tictlamauiçalhuia in totecuio in otimotlapololti ypampa yn amo titlanonotzalli in tehoatl mopan, mitoa in ticnopillaveliloc yn amo titlatlaçocamatini : çan no tiuhqui y nican, tonoc in tiçivatl yn titlatlavelilocacuitia yn çan no tiuhqui in avcmo yuh tinemi inic nentivi in amopihoa^ yn iuh tzava in iuh iquiti yn iuh motlamachtitivi yn iuh mocuiltonotivi yn iuh tlatlaçomativi yn iuh quitlapialitivi in totecuio : yn oanquipoloqz yn amonemiliz : {p. 239} auh in ac tehoatl yn amo ticmocaccanenequi in mitoa in tlatolli y. yn at a nican tinemiznequi xitechtlalcavi canapa xiauh xictlalcavi yn atl in tepetl xictlalcaui in petlatl in icpalli ticxolopicuitia i nican ca iuh meva ca iuh mitoa ca iuhqui tlatolli, O ca yvin i in quitoa inic ome tecutlato. Auh yn otlamito yn itlatol nima ye q'motlatlauhtia