60r 377

Nican tonoc in titlazcaltilli in titlahuapahualli in ticanilia in aaztli in cuitlapilli atlapalli in itemoya in iacoq^ça ya tle tay q^ timuchihua tleyn ticchihua aq^n tlatlahuelilocacuitia cuix yehuatl yc oamechhualihuaq^ amonahu amottahu cochizq^ ammahuiltizq^ ca ç yehuatl yc ti hualla in titlamahcehuaco tictemoco in ipalnemohuani aço cententli aço c camatl omihtic q^motlalili quimocalaq^li in tloque in nahuaque itlahtoltzin auh ye yc taatlamati ye yc ticuecuenoti tleyn tay cuix teatlamachti cuix tecuecuenotili in ihiyotz in itlahtoltz Totecuiyo ahmo ye ticchoca ticteopohua omitzmopepenilli Totecuiyo quauhtla in çacatla otimoq^xtiaya axc cuix ahmo tiq^lnamiq^ tle tay q^n timuchihua cuix yehuatl nemo