] nepopotzolo nexoxocolo ahujc xoquiooa âcan veli in netlaliloia in ieloaia in tetlaliloia oc cenca iehoan intequjuh innecuitlavil ymix intequjuh vel innecuitlavil vel mixpetztza mixpetzoa quimiîcaniantia quintetequippantia qujncôcocoltia in techixque in tetlalique ynjc iehoan vellachia teiximati in cãpa iê ooallaque coame tlacoanotzalti tecooaoa iehoan vel quiteilhuja ynic inca nechioaloz ynjc vel namicozque aiac ilcaoaloz ypan tlacotoniz much intech aciz yn nemactiz yn jxquich ic otlatequililoque in chieltilo ynjn ca oytoloc yiemacozque miietizque yietilozque moxochimacazque moxochitizque xochimacozque tlaquazque atlizque motlauhtizque motilmatizque moquentizq' motlaquentizque motlalpilizq' momaxtlatizque auh çatepã ymellel onquiçaz achitzinca õmitotizque ontlatotonizque yn xochitl yn jietl in tilmatli in maxtlatl ynjc conjxtlaoa cooaiotl ontlaiolpachivitia injc amo itolozque ca çã moiolitlacoa [fol r
