03 170

{f. 64v col. a} ca oquiz ca vtlan in tlatolli. o. ca yvin i in quitoaya, inic navi, in tecutlato ca chocaya in q'toaya. Auh in oquiz, yn {p. 243} itlatol niman ye quimotlatlauhtia, in tecutlatoque yn eintin. o. yn muchivaya ynic tecutlatoloya. Auh in tlacpac vmito yn iuh nemauhtiloya yn ayamo quiça tlatolli y çan oc neteteco y yehoa ic nemauhtillo. inic momauhtia tecutli in pilli ic momauhtia in tequiva ic momauhtia in calpixqui ic momauhtia in telpuchtlato ic momauhtia ca iuh mochivaia, yn aquin tlein quitlacoaya, ca yca, tlatolloya, ca teixpan yn aço totoco yn anoço quatzonteco yn anoço vey in tlein no quitlaco ca teixpan in miquia in mecaniloya in mitoa yca tlatolloya intla çan totocoz, ca teixpan in valquixtillo ca teixpan in valtopevalotiuh ca teixpan in valquiçaya in altepeachcauhti, ynic tlapialoz in inchan inic atle quiquixtiz intlatqui. o. ca iuhquin i, ynic mauhcamanca. Auh cenca vel ic otetlacamachoc ynic onemauhtiloya in cenca nemauhtilo tlatoloz in necentlaliloz. Auh in iquac yn omochivi in oquiz in tecutlatolli in atle, omuchiuh ca iquac moyolalia yn ixq'chtin in tlatequipanoa in ixquichtin yn omoteneuhque yn tlatequipanoa, ca iuh mochivaya ca ic mauhcama^ca ca çenca ic mavizmanca çenca muchi tlacatl ic muzcalitinenca çe^ca ic nezcaliloya o ca iuhquin i inic muchivaia ynic amo çan nen quiçaya yn intecutlatol yn tecutlatoque. Auh in tlein no mito tlapac, ca çan oc onequixtiloc intlatoltica. auh inic oppa tecutlatoloz yuh muchivaz, {p. 244} in iuh omito, Auh in iquac tecutlatoloya matlacpoaltica omey, ipan cemilhuitonalli navacatl tlatocatonalli mitoaya ytonal in petlatl in icpalli, Auh inic oppa tecutlatoloia iquac in tlacaxipevaliztli in ayac mally yn ayac temalacac quetzaloz ic nonotzaloya pilli ic nonotzalloya in quauhtli, auh inic expan tecutlatoloya iquac in acaço q'avi yn aço mayanallo iehoatl ic mitoaia yn avcmo vellamaçeva y^ muzcaltia y^ moapava in quauhtli in ocelutl in telputzintli in tlamacazcatzintli in çivatl in ichpuchtli yn avcmo quimocuitlavia in tlacuicuiliztli in tlachpanaliztli. Auh inic