] tetzinanque tetlanoqujlique teixpatique Auh yn cioa temjxiujtique tepillalilique tetlatlaxilique tlapouhque atlan teittanj tlaolchaiauhque mecatlapouhque tetlacujcujlique tetlanocujlanque teixocujlanque No iehoantin qujtlatlauhtiaia in temazcaleque ypampa y qujtlaliliaia yn ixiptla in temazcalixquac qujtocaiotiaia temazcalteci Auh yn jquac in ie ilhujqujxtililoia in ie imjqujztequjppa in iehoantin titici yn ixiptla catca teteu ynna qujtlaoculpopoloaia amo vel chocaia queelelqujxtiaia qujtlanenectiaia qujtlanenequjltiaia qujceceltiaia ha qujchoctlanja qujtlatlahtitiaia momjquizquequeloaia qujnecaliltiaia qujiaochioaia qujtlacaoachiliaia coiuujaia tlaujznextiloia netlaujzmacoia netlauhtiloia inqujmiliuhca muchioaia in tiiacaoa ic qujntiçaujaia ic qujnpotonjaia qujmotzacujlitiuja ic panj moquetzaia Auh yn jquac onmjc yn ixipta [fol
