18v 46

] ocatlamachtiaia ytlatquj vellanaoac tlavica qujpetztoccaoa in cocoliztli izqujmpan atlamattinemj in atle monectoc ichan auh injc onmjquj ça tetlaoculti aoc tle itech vetztotiuh ça petlauhtiuh aoc neçinj in tlein iqujmjliuhca vel tôtoneoatiuh chîchichinacatiuh in jiollo vel iiacacpa qu qujztiuh in netolinjliztli ça iuhquj oniauh iuhquj onpôpolivi ipampa ca ueli no concauh ymâceoal injc oiztlacattinen vevetitlan aiacachtitlan ca iuh mjtoa tlaalavi tlapetzcavi âtlacacemellecan vncan vilantoc in tzotzomatli in tatapatli vncã mâceoalo in jcnoiotl in jcnotlacaiotl auh vncan icac in vei atoiatl in vei tepexitl in tlaxapuchtli vncã neatoiavilo netepexivilo netlaxapuchvilo ioan vncan manj in tzonoaztli vncan netzonoazvilo ic mjtoa in aqujn iuhquj ipan muchioaia y qualli ocatca in jtonal in jmâceoal ça inêviian ça onmonevianvi in oconmjtlacalhuj in oconmopôpolhuj yn oconmotlaçolmjctili Etc Auh intla aca cioatl ipan tlacatia ce suchitl mjtoaia vuellamachchiuhquj iez auh [fol v