0 13

itoca Coyolxauhcihuatl inon moyaochichiuh niman yehuitz, inquinpoloquiuh, ± in quinmictiquiuh initlahuan in centzonhuitznahuatl oncan in teotlachco in quinqua initlahuan, auh in yehuatl ininan in quimonantica initoca Coyolxauhcihuatl catca niman achtopa itech opeuh in quimicti in oncan teotlachco, quiquechcoton oncan quiqua yehuatl iniyollo in Coyolxauhcihuatl quiqua in Huitzilopochtli. Auh in Coyolxauh ca ihueltiuh catca in centzonhuitznahuatl, auh iniquac inoquin quayohualnepantla, auh inotlathuic tlahuizcalpan, niman oquimittaque initahuan inimacehualhuan in Mexico, zamochielcoyontoque in Coyolxauh, ihuan in centzonhuitznahua, in oncan teotlachco aocmo tley iniyollo mochioquiqua in Huitzilopochtli, ca cenca huey tzitzimitl, huey colleletli omochiuh in Huitzilopochtli. Auh in Mexica cenca omomauhtique, auh inyehuantin in centzonhuitznahuatl, inic momatia in oncan Cohuatepec oncan yez in ± altepetl, ye oncan Mexico yez, auh ca amoquinec in yehuatl Huitzilopochtli, niman quicuitlaco yoni in atlquichitinin inic queltzaca in atlauhtli in oncan catca in oncan mania in atl, niman mochihuac in ahuehuetl in huexotl, in acatl, in tolli, in atlacuezonalxochitl, auh mochimicque in anemia in michin, in cueyatl, axollotl, axaxayacatl, in quatecomatl, yoyolli, ihuan acocillin, aneneztin, ihuan opoliuhque omochiyahque in cacanauhtin, yacatzintin, quachiltin, inteotzaname, in aztatl, in acoltlatlauhque, tozcacoztique, in ye ixquich totome, auh niman yehual peuh in Huitzilopochtli in quinhualhuicac initahuan inimacehualhuan in Mexica, auh in oncan Cohuatepec oncan quilpique inin xiuhtlalpohual Ome acatl. Auh ce tecpatl 1168, in tonalli ipan tlacat in Huitzilopochtli, ipan compehualti in teyacanaliz yotl in teomama initoca Quauhtlequetzqui, ± inic quin yacan Mexica. Auh niman ye huitze acico in Tollan amohuecauhque in oncan niman hualmiquanique in Atlitlallacyan, hualmiquanique Tequixquiac oncan quichiuhque inin chinanquitocaque in chinamitl. Auh niman huallehuaque motlallico oncan acico in Atenco (in oncan chaneque intlatohuani itoca Tlahuizcalpotonqui teuchtli cenca quintlazotlaque in Mexica quin namictiaya in comitl in caxitl) niman oncan quimanque inin tzompan oncan oquitoque inic axcan itocayocan Tzompanco (oncan quinmacac ichpoch in Tlahuizcalpotonqui teuchtli in ichpoch itoca Tlaquilxochtzin, yehuatl quinchiuh oncan ye tlacati inic ce cihuatl itoca Chimallaxochtzin, inic ome ya yehuatl initoca Huitzilihuitl, inic ey itoca Tozpanxochtzin) niman on motlallico in Mexica in quachilco, auh niman acico in Xaltocan oncan ic yemochinantia oncan quittocaque ± in tlaolli ihuauhtli, inetl, inayotli, in chilchotl, in xitomatl, niman ye ic huitze in Epcohuac, cano oncan mochinantique. Auh niman motlallico in Ecatepec, ihuan itocayocan Acalhuacan, niman huallaque in oncan Tolpetlac, yenoceppa huallehuaque oncan motlallico itocayocan Huixachtitla,