0 21

=21 Ahuitzotzin caxtolxihuitl omome tlatocat Ahuitzotzin ; zan no yquac hualmotlalli in Motecuhçomatzin. Matlactloce Acatl : atle mochiuh. Matlactlomome tecpatl xihuitl : yc poliuhque Achioteca. Matlactlomey calli : iquac poliuhque Zozolteca ; ye no iquac in mayanaloc, tlaolmamaloc Totonacapa in motenehua : netotonacahuiloc. Ce tochtli xihuitl ica moquetzaya ayotli chapoltepec ; no iquac mic Tzihuacpopocatzin Tlatilulco tlacatecatzintli, Caxtolxihuitl on nahui in onteaca. Hualmotlalique tlacatecuhtzin Yolloquanitzin tlacochcalcatl Ytzquauhtzin. Ome Acatl xihuitl : iquac molpi xihuitl iquac poliuhque tecuhtepeca. Yey Tecpatl xihuitl : atle mochiuh. Nahui calli xihuitl : iquac poliuhque amatlantlaca. Macuilli Tochtli xihuitl : iquac yaque Ycpatepeca. Chiquacen Acatl xihuitl : atle mochiuh. Chicome tecpatl xihuitl : ipan /iquac/ ic nequequetzaloc tozac, iquac huiloaya çolla. Chicuei calli : atle mochiuh. Chicuhnahui Tochtli xihuitl: iquac poliuhque cuezcoma ixtlahuaque. Matlactli Acatl xihuitl : iquac hualcallaque Huexotzinca ; no iquac tlalpolihui Yztac Tlalloca. Matlactloce Tecpatl : atle mochiuh. Matlactlomome calli : iquac Ahuayoca ixpoliuhque Tenochca, etzontli miquito. Za ye no iquac yn Tlatilulco Totozacatzin tlacatecatl teuhtualco mic Huexotzinco canazquia Camaxtle ompa tonoque titlatilulca tiyaotlapiato in Huexotzinco, tiquinpia in Tlaxcalteca. Zan no iquac hualmotzacuh in Huexotzinca nican totlaneca Huexotzincatl ye nocepa tecallaquiloc inic yequene quihualtzacuh. ±± Matlactlomey tochtli xihuitl in quitoque Españoles atla no iquac miquito Mexica tloapa. Ce acatl xihuitl ipan quizato Españoles in tecpân tlayacac. Niman ye ic huitz yn Capitan. Iniquac oquizaco Tecpan tlayacac niman ye quinamiqui Cuetlaxtecatl ic oncan quimamaca in teocuitlatonatiuh centetl coztic, centetl yztac, ihuan tezcacuitlapilli ihuan teocuitlaquaapaztli, teocuitla quatecuçiztli, ihuan quetzallapanecayotl epchimalli in Capitan ixpan tlamictiloc ye ey quallan in eztli quauhxicaltica quimacaya Capitan ye eyc quimicti yn eztli quimacaya quihuitec espadatica ye eyc xitinque in tenamique ynhin ¾21 ixquich quimamacato Capitan ymoma Motecuzoma za ye yquilotiz {ic ilotiz} ÿn capitan yehuatl ytequiuh moquichiuh in Cuetlaxtecatl. Zan niman iquac acitihuetzico Tenochtitlan in acico Quecholli cemilhuitonalli Chicuey Ecatl. Yn ohunacico Tenochtitlan : niman ye tiquimamaca in totollin in totoltetl, in iztac tlaolli in iztac tlaxcalli ; niman ye tateca niman ye mazatlaqualli ticallaque ihuan quahuitl. Cecni quiteca in itetlanamac Tenochcatl, cecni quiteca in itetlamamac tlatilulcatl. Auh in Capitan niman ye ic ompehua Atenco ; quicauhtia in Don Pedro Alvarado tonatiuh. Niman ye quitemolia Motecuzoma in quenin quilhuiquixtilia inteuh. Niman ye quimilhuia quenami ma xictlalican in quexquich itlatlatquio ma xicchihuacan. Yniquac tenahuati tonatiuh ye ylpitoc Motecuçoma ihuan in Tlatilulco. Itzquauhtzin tlacochcalcatl. iquac quipiloque Acolhuaca pilli Nezahualquentzin Atenantitech. ic ome mic Nauhtla tlatoani itoca Coualpopocatzin quimiminque in oce miminque {oconmiminque} ye nemitican tlatlac inic tlapia Tenochca quauhquiahuac centlapal incalma Tenochca, centlapal incalma tlatilulca yehoantin quimonilhuico inic mochichihuaz Huitzilopochtli. Niman ye quitlalia in Huitzilopochtli moch yc chichiuhtica yn iamatlatqui auh in ixquich ytlatlatquio muchi y quicencauhque. Niman ye ycuicoanoua in Mexica in iuh quichihuaya in cemilhuitl zan oc huel mochiuh inic omilhuitl cuicoanoque ye iquac mique in Tenochca yn tlatilulca. In cuicoanoua zan pepetlauhtinenca zan ixquich yn cuechi ynxixiuh in tempilo••• in cozqui ymaztaxel in chochol. ±± yhuehuetzonaya huehuentzitzin ymihiyeteca {im iyetecon} ymacayacach {imayacach} yehoan achto quinpehualtique oncan quimatlatlazque quintentlatlazque. niman ye ic micoa. In ixquichtin cuicoanoaya mochintin tlatlataque, oncan mique. in techpehualti{a} ye techmictia y ey hora yn o•••ntemictique teutualco