Buscar:  
Diccionarios:
Alarcón
Arenas
Bnf_361
Bnf_362
Bnf_362bis
Carochi
CF_INDEX
Clavijero
Cortés y Zedeño
Docs_México
Durán
Guerra
Mecayapan
Molina_1
Molina_2
Olmos_G
Olmos_V
Paredes
Rincón
Sahagún Escolio
Tezozomoc
Tzinacapan
Wimmer
Palabra: Palabra exacta  Inicio Cualquier parte
En: Náhuatl Grafía normalizada Traducción
Resultados

tianquiz 

Paleografía: tiankis
Grafía normalizada: tianquiz
Traducción uno: Tianguis, mercado, plaza
Traducción dos: tianguis, mercado, plaza
Diccionario: Tzinacapan
Fuente: 1984 Tzinacapan
Notas: s -- ki--


Entradas


tianquiz - En: 1984 Tzinacapan    

Paleografía


tiankis - En: 1984 Tzinacapan    

Traducciones


Tianguis, mercado, plaza - En: 1984 Tzinacapan    

Textos en Temoa

0 33

¾033 huel cacique altepetl Quauhtitlan in Tepaneca, iquac yequene conzacamoco inin tianquiz Quauhtitlan calque, ihuan conmetecaco, ihuan quitlecahuico inin Teocal. Auh in ye iquac in cacique in altepetl in Tepaneca in Quauhtitlan, ihuan huel miequintin in mamaltin axihuaque huicoque in Azcapotzalco. Auh ca miequin in mictilloque in Quauhtitlan calque, auh yequene miyeque in malquixtiltin mochiuhque in amo micque, ø ye iquac inin oaxihuac altepetl Quauhtitlan nappohual ilhuitl in tetlayecoltique Quauhtitlan calque in ompa tepanohuayan. Auh in in tlacallaquil mochiuh zan oppa in quicahuato ic ceppa iniquac axihuac in altepetl ic oppa iniquac nappohualtique. Auh in quicallaquiaya zan yehuatl in aya cecencotontin cecemolicpitl tetehuitl ipan pohuia eta. Auh in iquac inin axihuac altepetl Quauhtitlan iquac in tlatohuani Tezozomoctli ompa momaquixtito in ompa cincoc Huehuetocan. Auh iniquac in ompa pehualloc altepetl, niman qui nonotzato quicaquiltito in Quauhtitlancalque, auh in oquicac in ca opoliuh inoaxihuac altepetl Quauhtitlan amo cenca pachihuia iniyollo iquac itlan nenca itoca Cohuatequitl, ihuan Tehuillacatzin niman quin hualtitlan inic pachihui quiuh inin yollo in quenin omochiuh ompa huallehuaque in cincoc niman tlachia co caomicohuac ihuan miec in ohuicoque in mamaltin ihuan yehuantin nemi in ø Tepaneca in Toltitlancalque in oncan tecpan huexacalco, auh zan niman huel iquac quicaquiltito in tlatohuani Tezozomoctli quititlanhuan in ca nelli oaxihuac altepetl Quauhtitlan, auh iniquac oquicac in tlatohuani Tezozomoctli, niman chocac tlaocox quin huallihua initlan onoca Quauhtitlan calque. =44 Ye ipan in in ey tochtli niman in Tezozomoctli in Quauhtitlan tlatohuani ompeuh niman ic ya quihuicaque in itetlan nencahuan cohuatequitl {Tehuillacatzin zan otlica quihualtitlan in coatequitl} in quito itlatzin notechmonequi ic tetech nonaciz in Mexico xiquimilhui in tocolhuan ¾033 intachcahuan ic quihualnahualihua, auh in ye onacitiuh Atzompan qui nahuati in Tehuillacatzin quilhui xiqualmonamiquilli in tocol cohuatequitl nican atzompan nopan amaciquihui hualpeuh in Tehuillacatzin za ycel concauh in tlatohuani Tezozomoctli. (fol. 42) Ye oncan in ipan in xihuitl oncan in Atzompan monomatca micti mopa iti in tlatohuani Tezozomoctli in Quauhtitlan tlatohuani catca ø ipampa momicti in ipan on mantia Quauhtitlan calcayotl. Auh inic cenca huel momauhti inic monomatca micti ca huel mochi quitlatique quitlacahuique /inic qui yaoyahualloque/ ininteocal inizacatzonyo catca, aic ceppa yuh mochihuaya ca quiniyopa cenca huel quicentlatalhuique inic qui yaoyahualloque in altepetl Quauhtitlan ca in yehuatin in Tepaneca in Quauhtlaapantlaca oncan mohuitico in Chianquac auh tlatlecahuico zacacaltitlan, auh in yehuantin Tepotzoteca oncan tlatlecahuico in tlacocouhcan huel quixinique in altepetl in momatia Tezozomoctli ca zan niman aoquic ceppa yez in Quauhtitlan caoqui yayahuallo iniyaouh in izqui altepetl omoteneuh, tlacpac yehuatl ipampa inin monomatca micti in Tezozomoctli. Auh in zatepan ino Achitzin in yollo motlalli Quauhtitlan calque, niman ye oncan on motlatocatique cenca huey nemachiliztica quitlatocatlallique initoca Tecocohuatzin Chichimecapilli oncan in huexocolco tecpan in quitlatocapixque oncan motlatocazauh, auh yequene amo quimochiltique in Azcapotzalco tlatohuani initoca Maxtlaton ø zan yehuantin qui matque in Mexica Tenochca, ihuan yehuantin quin namiquia, auh inoc motlatocazahuaya mohuexotzin cachichiuhtinenca inic mozahuaya, ihuan iquauhquetzal contlaliaya, ihuan Cuetlaxtlailcatia tzolli inic moque ilpiaya ihuan ixmapan tlachnacoch ihuan iquauhtenteuh in quimama itenzacahuicol icueppa yahualolcozqui iztaccanahuac, ihuan iztacmaxtlatl initech quitlaliaya, auh xoyolticuecuex ¾034 Cuetlaxmecayo ihuan itzapotopil, ø auh inipillohuan initiacahuan ceceyacayuh mochichihuaya mochintin chichiquiltopilli maquauhtopilli in quitquitinemia Huexotzinca, ipan moquixtitinenca in oncan tecpan ic nenca mo Huexotzinca notzaya. Auh inic yuh mochihuin ca ipampa ye oncatca in teuctlatolli in teuc nenonotzalli in quenin monequi yaochihualoz in tepanecatl : aocmo zan nen iniuhqui ipan moquixtiaya in Chichimeca Quauhtitlan calque in mohuexotzinca chichiuhtinenca yuh catca inyollo in Mexica ihuan in cequintin Acolhuaque quimatix, auh yequene ca cenca otlaellelaxitique in Tepaneca ca cenca mieccan in otetla ca mictique inoc yehuatl Tezozomoctli, ihuan initelpoch in Maxtlaton quintlatzontequillique miequintin tlatoque inic micque. Ca itencopa inic Colhuacan tlatohuani Nauhyotzin quimicti in Tezozomoctli __ Ihuan no quimicti in Tetzcoco tlatohuani (fol. 43) Huehue Ixtlilxochitzin, yhuan yehuatl quimicti Pichacatzin teuctli Cuitlahuac ticic tlatohuani, ihuan yehuatl quimicti in Tlatilolco tlatohuani Tlacateotzin, ihuan yehuatl quimicti =45 in Quauhtitlan tlatohuani Huehue Xaltemoctzin, ø ihuan yehuatl quimicti in Tenochtitlan tlatohuani catca in itoca Chimalpopocatzin, tlatzontec in Maxtlaton ; ihuan quimicti in Tlatilolco Quauhtlatohuatzin tlatzontec in Maxtlaton. Auh quichololti in Tetzcoco tlatohuani Nezahualcoyotzin ihuan miyeque inipillohuan intlatocayohuan ininhuantin namicque inyuh omito inipan cecencamatl xiuhtlapohualli. Auh iniquac inin ye tlatocat tinemi yaotitlan in tlatohuani Tecocohuatzin no yuh yaotitlan tlatocati in Tenochtitlan Itzcohuatzin, auh in yehuantinin in tlatohuanime niman inoquitzotecque inic yaochihuallozque in Tepaneca, niman tlaihuaque tlatitlanque in Huexotzinco inic quitoto inin teca necacayahualiz Tepanecatl, eta. Ihuan quitoto