] mixiuhquj Quilhuja Noxhujuhtze otiquihjiovi oticçiauh ca otioalmovicac in tlalticpac otimotlalticpacquixti tiquittaz ticmatiz ticiehecoz in tecoco in tetolinj in tlaihjioviliztli ca tetoneuhcã techichinatzcan tetotoneuhcan techichichinatzcã tetoneuhian techichinatzian yn otioalla cococ yieoaiã teicnotlamachtican aço titolhujltiz titomâceoaltiz aço achitzinca timitztotlanevizque ca timixiptla timpatillo timezço tintlapallo tintzicuevilo in motechiuhcaoã in mocoltzitzinoa y' machtooã yn mopiptooa in machcocolhoã yn ie nechca mantivi yno cuel achic yno cemilhujtl ontlapieco yn vncã timonoltitoc otiquihjiovi oticiauh noxhujuhtzine ca omitzoalmioali in totecujo njmã ic compêpetla cõmapêpetla ic quinextia ynjc cõtlaçotla piltontli Nimã no ic cõnotza contlapaloa yn inãtzin mixiuhquj Quilhuja Nochputze nochputzine cioapille cioapiltzintle otiquihjiovi oticciauh ca oqu teltzin mitztlalloti mitztlalcavi in cozcatl in quetzalli ynjc otimapãticatca ca otlalticpacquiz acenononqua yn amontlaotlanamjctizque ca oanmotlallotique qu qujmonequiltia in totecujo aço cemilhujtzintli [fol r
