] in jxqujch nepapan tlacatl njman iciuhca contetentivi in acalotli njman iciuhca conjxmana tetica xantica yoan cequj quavitl injc tlaatzopque Auh in ie iuhquj in ommatzop acalotli njman ie ic valeoa in cavallome aço matlacteme ontlaiavaloco ontlamalacachoco ommocovitzoco ommotevilacachoco ie no ceppa centlamantli valevaque in cavallome qujnvalcujtlapãvitiaque Auh cequjntin tlatilulca calactivetzque in tecpan catca in jchan motecuçoma njman ic valmauhcaqujçaia qujmonmonamjctico in cavallostin ce qujxilico in tlatilulca Auh in oqujxilico oc vel can in jtepuztopil njman qujmacujlito in jcnjvan icujtlapan qujoalmaiauhque qujvaltzineuhque auh in otlalpan vetzico mec qujvivitequj concuexcochvivitecque [fol v
