52v 168

] ic caxtolpoalli omume Tecujlhujtontli ic caxtolpoalli omei vncan cexiuhtico y injc mjcque tulteca acaloco Auh in ie no ceppa qujçaco in ie no ceppa tiqujmjttaque ce xivitl ipã matlacpoalli oce ipan in Jzcalli quauhtitlan in qujçaco ommotlalico in Tlacuban çan onchicomjlhujtico njman iaque vmpoaltito Auh ie no ceppa qujçaco çan qujztiqujzque quauhtitlampa itztiaque çan tequjtl ontemjctitiqujzque in tlaliztacapan yiztacalla tlatilulca in mjcque achi vel centzontli in mjc Auh in tecentlatalhuj in ie topan nenonotzaloc no vmpoaltica ipan toxcatl ie vel ic oxivitl in tiacaoan mjcque in teuitvalco in Toxcatica