01 200

{f. 81r} nacazpalaniliztli. Ypayo. o^motlatlalia cicimatic. totoltetl itevilotca. moneloa. ye mochi ypayo in tlei^ pala^ca patli in chichic. in tetelq'c in iuhq' chipili auacayollotli ca>camavaliztli. in ipayo. tlanoq'loni. itoca. ohololtic. tlanelvatl yoa^ y^ caço tlei^ tlanoq^loni. nima^ qnoq'a ycamacpa. y^ tla^pa. y^ ye mamana yolatolli coni. amo tequixq'o. anoço totolayotl. oc q'valpachoz hi y^ cocolli oc oppa expa q'valnoquiz. çatepa^ tlaq^ auh inic huel valmimati oc q^zquilvitl catli toztlapavaxtli patlj tlatlauhq' yn ica quavitl. auh vetzi in ixipeuallo {p. 289} yeh in iyollo monequi. yxihicuixiliztli. yxatecuiliztli. yxya>yapaleualiztli. ynezca, hitla itic nemi. aço cana tlapalani yn iitic anoço xochicivitztli yitic nemi. anoço iitic nemi y^ nanavatl. coniz yn itoca tletlemaitl. xoxouhq' y^ coniz y^ ye que^ oppa expa quini tletlemaitl niman ipa^ motemaz. yni patli vmpa mochiva y^ quauhchichinolla auh yni y^ tlei^ iitic nemi cocolli ca quipatlaça. auh in opavetz. o^motlaliz. y^ xixivitl itoca ihichcayo. yxaatemi. yxihicuici. yxyapaleua. omocaxani. ynic pati. tlanechicolli yn itoca tlatlauhcapatli. tlaçaçaçalic. coztematl. atepocapatli tlanelva[tl] tochtetepo. tlamacazq' ipapa. auatoto. quachtlacalvaztli. cuicuitlapile. quau[h]patli. tlalpatli. nantzin mizquitlaxipeualli. tzatzayanalquiltic. motetzotzotzona. omilvitl elhuitl ciava. mopavaci. {p. 290} necuvetzi. ipa^ motema. yxchachaquachiviliztlj yn ipayo. xivitl. ytoca. azpa. motzoyanja. yama^qui yc mixamia. miecpa ynic mixamia. yoa^ amo quiquaz y^ chiava yoa^ y^ xoquiyac. yoa^ coniz inic ceviz in iitic ca cocolli. ytoca. tlatlauhqui y^ xivitl. ça^ itztic atl. quitinemjz. caxixaz y^ cocolli. chichiltic. anoço xallo. yoan ma tlanoq^liz. yxcocoliztli. in ipayo. achi coniz in ixiuhyo in itoca xoxouhcapatlj yoa^ yc moquatzotzonaz. y^ ocuili tixte^co moq^tza. in ce^ca cuecuetzoca. yc mochichiqui in tlanelvatl in itoca co>coztic. auh y^ hiquac cochiz o^mochichipiniz. yztac o^motlalia tixco, yoa^ ayauitl o^momana. in ipayo. chichiltic patli yuhqui y^ azcatzo^tecomatl. o^moteci. ytevilotca y^ omochipinja. oppa expa co^chipinia. expa y^ cemilvitl co^chipinia. yoa^ y^ tlalayotlj ynelvayo ommochipiniz q'patla y^ azcatzo^tecoma[tl] quitlacevilia auh y^ hamo quitlacamati hj. mitzmina {p. 291} yxnacapachiviztli yn ipayo, xivitl itoca ihiztaq^ltic ynelvayo o^mochipinia. queva y^ nacatl. q'palanaltia. yxtamaçoliciuiztlj. ipayo y^ cocoztic tlanelvatl o^mochipinia. yxchichiticaviztli monequi moçoz. yoa^ mitzavavia. yoa^ o^mochichipinia yn omoteneuh pa>tli. monequi q'cavazq' y^ octli. ça^ yevatl q'tinemiz ytoca iztac quavitl tonaya^ mochiva. yoa^ amo quiquaz y^ chiava yoa^ y^ xoquiyac. ynim patli q'cencevia y^ tonacayo y^ toyollo. yxcitlaliciviztli. yn ipayo. cuetzpalin ycuitl tlillo. matlali tomayo. yxtezcaiciviztli hatle ipayo. {p. 292} yxtototoliciviztli. amo quittaz yn iztac yxvauaciviztli ypayo tlapaltequixquitl ce^ca mocuechoa. aquito^ auhtic omotema yn iixco. anoço yztatl ce^can no auhtic o^motema in iixco.