=08 ye tlacati yxcuicuiyatzin yc ome acxocueytl yn omic Acolnahuacatzin ye omotlalia teçoçomoctzin yehual Cihuatlani Çahuatla ychpoch yxcoçauhcatzin yztac Xochitl. Ye mopilhuatia Yacapa Epcohuatzin Quaquauhpitzahuac ynic ome Acolnahuacatl tetoca. yc• 3• teyolcocohuatzin yc• 4• Maxtlaton yc• 5• Quaquauhtzin yc• 6• Moquihuistzin ±± Niman ye yc quihualitlani, yn Quaquauhpitzahuac ye conaçi in Tlatilulco Niman yc yehua[t]l Çihuatlani Cohuatlychan ychpoch Acolmiztli yn Cihuatl Çihuapilli ytoca Acxocueytl ye mopilhuatia Yacapântli tlacalteotzin. yc• 2• come yaocuixtli yc• 3• teçoçomoctzin. yc• 4• Xiuhcoyolmaquiztli. yc• 5• Atoztli. yc• 6• Epcohuatzin. yc• 7• Vacaltzintli. yc• 8• Matlaltzin. Auh yn acolnahuacatzin Tlacopân Omotlali, hueyca mecatzintli Niman ye teyolcocohuatzin contlatocatlali acolman auh niman ye contlatocatlali Mastlatôn Coyohuacân Auh yn quaquauhtzin contlatoca{tla}li Tepechpân Moquiuitzin omotlali quauhnauac yzquintin yn ipilhua teçoçomoctzin yno quimo yauh Nohuian altepetl ypan Auh yn omomiquili tlatilulco tlatohuani Quaquauhçi Niman ye hualmotlalia yn ipiltzin Tlacalteotzin ye con Çihuatlania yehuatl ychan yacapân Cihuatlanoc Yc onanato Cihuapilli ytoca chalchiuhtoxochitzin ychpoch Xaquitzin Ye yxhuiuh, Acolmiztli. Niman ye mopilhuatia ye tlacati Acolmiztli çaniyo oquichtli Niman ye pilli Cihuatl chicomolotzin quetzalxilotzin Vacalçitli yhu••• tetoca tlacochuetzin, Cohuatonaltzin. Moçelcihuatzin, Xocotzin chicuey yn ipi[l]huân Tlacalteotzin Auh yn tlacalteotzin yteihicauh yaocuixtli ye motlatocatlali Mexicatzinco ynic yeyntin yehuân yeyc omotlatocatlalia Quauhtitlan ytoca Teçoçomoctzin Auh yn ihueltiuh Xiuhcoyolmaquiztli ¾08 hualitlanoc quecholac, hualcihuatla cuezpaltzin quauhtepec quihualcihuatlani Ypilzin matlacaltzin Auh yn atoztli Totomihuacân hualitlanoc yoquichhui mochiuh Tochtecuhtli Ahua yn huacaltzintli hualitlanoc Tenochtitla yoquichui mochiuh Yzcohuatzin Tenochtitlân Ye mopilhuatia ye quichihua tiçahuatzin Toltitla tlatohuani mochiuh ynic ometlacatiz Teçoçomoctzin Auh ynic chicome Tla•••tiz yn onpahuala cihuatlacnoc Matlaltzin yn onpa Cihuatlanoc ypiltzin Acolmitzin yoquichui mochiuh Yztaccoyotl. Auh yn tlacalteutzin mochiuh yc co cihuatlani Quauhnahuac ychpoch, Oçelotl teuhtli yn cihuatl ytoca mizquixahualtzin ye mopilhuatia ye quichihua Quauhtlato Auh in aCo{l}mitzin y hueltiuh achto hualitlanoc Quauhnahuac ynpiliçihuatzin hualcihuatlân Tlacalteutzin /•••/ yc ome ompa ya in Quauhnahuac Chicomolotzin yoquichui mochiuh, yztac Coyotzin yniquein ytoca quetzalxilozin Tlacochuetzin ye quihualitlani çehualli tecuhtli Oztoticpac yc macuilli cohuatonaltzin ye quihual Cihuatlani Xiuhyaotecuictli tiaquiztênco Moçelcihuatzin hualitlanoc Vaxtepec yoquichui mochiuh, Tepaquiçatzin in Xocotzin hualitlanoc Maquixtzin yn ±± apepexotzin Ompahualla Quauhnahuac Miquiztin ytoca quihualitlani yn ipiltzin. Tlacalteutzin ynic ome Xiuhquecholpotocatzin y cihuauh Popocatzin mometzcopinatzin yhueltiuh Cohuatzin Tepexic ya Auh yn omic tlacalteutzin Nimân yehual motlalia yecaçi ychpoch yn conan ye mopilhuatia ye quichihua Anepântlatzin ynic ome Xiuhcanauhtzin /quihua/ yn omic Quauhtlatohuatzîn ye onmotlali yn itlatzin in Moquiuistzin quihualitla Miccacalcatl Vexotzinco yc iey Quauhtochtzin Chiuhnahuapa ynican tlayhitlania Qu[a]uhtinchan Tlatohuani.
±± Ynin amatl çan iuhui yn icuiliuhtica ye huecauh mochiuh nican Tlatilulco ypan xihuitl de 1528 años quin iuh hualhui Castilteca huelo{m}patla{a}na Ynic hualquixahuac de acolhuaca Aztla ca tel Mochîn nican motta••• .
