] teuatl injc mjtoa teuatl camo teutl çan qujtoznequj maviztic vei tlamaujçolli ioan itoca ilhujcaatl in ie vecauhtlaca in njcan Nueva España tlaca momatia ioan iuhquj neltocaia ca in ilhujcatl çan iuhqujnma calli noviiampa tlacçaticac auh itech acitoc in atl iuhqujnma acaltechtli itech motlatzoa auh ic qujtocaiotique ilhujcaatl iehica ca itech açitimanj in ilhujcatl Auh in axcan ipampa tlaneltoqujliztli çan mjtoa vei atl vei temauhti teiçavi aixnamjqujliztli tlamaviçolli popoçoqujllo cuecueio atlamjmjlolli chichic chichipatic chichipalalatic itztonquavitl tequaio ioioliio molinjanj ioltimanj xoxoqujuhtimanj âtlacamanj Teuapan njnemj ilhujcaatl njcviltequj vei atl njcpanavia vei atlan njmjquj ilhujcaapam njnemj
