] ca oncan qujncemjlnamjquia in totochti ovcti ic cenca maviztililoia in izqujtecatl qujtlaliaia ixiptla in jteupan vncan qujtlamanjlia quicujcatia qujtlapichilia acocotica yoan ixpan icaca tecomjtl itoca vmetochtecomatl tentimanj pexontimanj in vctli ipã manj piaztli piazçotimanj mamazço ic conjtimanj in aqujque vmpa ontlatlâpaloa tel çan iehoan in ie tlaoananj in veuetque yn jlamatque ioan in iaotlaueliloque in mjivintia in aquen tlatta in qujpopoa yn intzontecon yn jmelchiqujuh qujtoznequj ca onvicozque in quenmã in ooalmjto iaoiotl auh no ce onqujçativi oaltecalaqujzque ontlamatiuj ic momjqujzquequelotinenca auh in vctli quja aquenman tlamja âqu man cactoc in contecatimanj tlachicque tecutlachicque ixqujch oalacitimanj in tetlâchic yn noviian tlachicpan tlachicoaian ca vncan vitzmana intla aca iãcujcan otlatlapan vncã achto qujteca in jtlachic ic qujtoaia [fol r
