43r 148

] necoc mjcoatiuh tlacupan qujnqujxtique in qujntoca Auh in oqujnqujxtito Tiliuhcan xocotlihiovican vncan in xoxocotla vncan in iaumjc in chimalpupuca in jpiltzin Motecuçoma in jpan qujçato mjntoc tiatzõtectica yoan vivitectoc çã ie no vncan in mjc Tlaltecatzin tepanecatl tecutli in qujniacanaia in qujntlaixtlatitivia qujmotlaxilitivia qujmotequjlitivia qujmoquechilitivia in Españoles njmã ie ic companavique in Tepçolatl (ce atoiatontli) vmpanoque onapanoque in vncan tepçolac njmã ic ontlecoque in acueco ommotlalito otoncalpulco quauhtenaniotoc quauhtenametoc in itvalli vncã mocevique mocecevique yoã vncan ihiio cujque imjhio qujcujque vncan patito vncã qujnnamjqujco in teucalhujacan in valteiacan