] in qujntlatlauhtia quimjlhuja Tle amai mexicae camono nehoatl conjlhuja ca no tehoatl nocne amo titequjtquj njman ic vncan cõmjctia ça teixpipia ça motecujtlavitinemj ça imjx intequjuh ça tepipia in mexica ca mjequjntin in tlapictli qujtzacutiaque in jxpopoiomjctiloque in amo vel intlatlacul qujtzacutiaque Auh in oc cequjnti tequjtque motlatique mjnaxque aocmo moteittitiaia aocmo motenextiliaia aocmo tevic qujçaia cenca momauhtiaia mauhcaçonequja mjinaxtinenca injc amo temac vetzizque Auh in jquac oqujncaltzacque in Españoles çan chicomjlhujtl in qujncalicalque Auh in caltzacuticatca cempoalilhujtl omei auh izqujlhujtl in in acalotli motatatacac mopapatlauh movevecatlano motetepexiq tz novian movicantlali moovitili in acalotli Auh in vtli [fol r
