cihuatl inhueltiuh itoca Teoxahual, auh inoc nahuintin amohuelmomati inintoca Tla{tla}catecollo oncan oquinnotz in Huitzilopochtli in yehuantin in Azteca in motenehua teomamaque initemamacahuan inin itzlacateutl ye otiquitoque tlacpac inin totoca teomamaque, no ihuan oquinotz in yehuatl inin teyacancauh inin tlatocauh in yehuantin Azteca Mexitin inompa catca onoya inipan inihtic in cenca huey altepetl Ciudad Aztlan Chicomoztoc yuhquimati ± quitocan inipan altepetl Aztlan Aztatlan imonoyan in Aztame inic motenehua Aztlan, inompacatqui in axcan in azo ye ompa in huel itlan inahuac in cenca hueyatentli, huey atoyatentli in quitocayotia in axcan in yehuantin Españoles in yancuic Mexico, Aztlan Chicomoztoc ye omito oncan quinnotz in Huitzilopochtli in Azteca in teomamaque quimilhui xiquimonanacan in huey comitl itlan cate yehuantin in yacato tequitizque.
Auh yu{h}quitotihui in huehuetque in ompa Aztlan ic hualquizque in Azteca ayemo intocacatca Mexitin zano quixquich ic monotza inic Azteca, auh yequin oncan inin titlatohua in quicuique intoca inic yemonotza Mexitin, auh yuhqui in inic macoque inyuhquitotihui huehuetque, yehuatl quintoca macac in Huitzilopochtli.
Auh ça niman oncan oquin cuepilli inintoca in Azteca oquimilin ± axcan aocmo amotoca in amazteca yean Mexitin oncan noquin nacazpotonique inic oquicuique inintoca Mexitin inic axcan yemitohua Mexica, ihuan oncan noquin macac in mitl, ihuan tlahuitolli, ihuan chitatli in tle in acoyauh huel quimina in Mexitin.
Auh in yehuantin Teomamaque quinotzque in yehuatl in tetiachcauh in quinyacana inintlatocauh Azteca Mexitin initoca catca Chalchiuhtlatonac, auh quilhui in yehuatl Huitzilopochtli in Chalchiuhtlatonac, tlaxihuallauh Chalchiuhtlatonactze, zamonequi huel cenca totechmonequi manima xitlatlamachi xitlatecpana inyuh yez, inyuh mochihuaz, intiquinhuicaz miec tlacatl, motlan yazque, auh ma ixquich in chicome calpolli oncan in pialhuan mochiuhtiazque in omoteneuhque in nican oaquimanque in huey comitl itlan, ohuehuetztoca, auh yehuantin in achi cenca tlapaltique chicahuaque Mexitin, mahuel cenca hualca ic ixachintin inic miequintin in macehualtin, ± yeica ipampa catiazque titotecatihui titotlallitihui, ihuan tiquinpehuatihui, inipan huey cemanahuatl onoque in macehualtin, auh yehica ipampa inehuatl neltiliztica namechilhuia, aompa namechihuatiuh antlatoque, an pipiltin inixquich ica inicnohuian ompa cemanahuac, auh inic antlatoque anyezque, onyezqui, an quinpiezque amocan quexquichtin, amotzonquizque, amotlanqueyezque in amomacehualhuan in amech tlacallaquillizque in amech macazque in amo zan quexquich tlapanahuiahualca in Chalchihuitl, in coztic, teocuitlatl, in quetzalli, in quetzalitztli, intapachtli in tlapaltehuilotl, intlazotlaquêntizque, auh in