01 198

{f. 69r} Jnic. 9. parrapho ypa^ mitoa yn izquitlama^tli cvcvliztli ypa^ mochiva y^ tonacayo allauac ynic pati tzitzictic ytoca^ tlanelhuatl nica mochioa. ezallauac ynic pati vaxquavitl amo nica^ mochioani. yztac allauac ynic pati yn tlanelhoatl ololiuhqui nica^ mochioa. cuztic allauac ynic pati y^ tlanelhuatl ytoca cocoztic ça^ no nica^ mochioa. tlailli ynic pati yzquican icac y^ ce^tli tlatla y^ mi yoa^ çoaeuatl. yztac tlailli ynic pati ça^ no iuhqui yoa^ amo tle ze^ca ypayo ça^ tlatzivi. {p. 282} apitzallailli ynic pati tlanelhuatl ytoca tzipipatli. nica^ mochiua. apitzalli ynic pati coyotomatl ça^ no ynelhuayo nica^ mochiua. cvoaçiviztli ynic pati tlapatl yxiuhyo nica^ mochiua. yoa^ moço. tlecouaciviztli ynic pati ça^ no iuhqui. teucocoliztli ynic pati. mopotonia ocotzotica moneloa y^ patli ça ca ichpoli yoa^ ça ca tlepatli nica^ mochiva. toça^potzalli ynic pati. motequi yoa^ patli motema ytzietl tenextlj. xvchiziviztli ynic pati. mexvaliztli ynic pati tlanelhuatl cucuztic nica mochiua yoa^ iztatl. {p. 283} tla^quaallavaliztli ynic pati. moço vitzauhcatica. quiça yuhqui^ nopalalactlj.