] yoan in mocexiuhçauhque nepan jxtinemj in tetzaqua imoocoquauh in aqujn qujçaznequj ic qujtlaieiecalhuja in ocoquavitl auh in aqujn maxixaz qujtlalitiuh icuechi yoan iaztaxel Auh in aqujn çan njman atlatlacamati in amo tetlaçaltoca in aquen tlatta vel ic qujcujtlavitequj qujmetzvitequj caculhujtequj caliticpa contopeoa conchiccanaoa conjxiquetza mjhixiquetztiuh nanacazitztiuh aiac temacnaoati cenca iehoã tlamamauhtiaia tlamauhtiaia cemjmacaxoa cemjmacaxtincatca in jachvan vitzilobuchtli in mocexiuhçauhque Auh in tlaiacatia in vevei tachcavan in vevei chiva tel huel qujçaia amo qujntzacujliaia auh in ie ixqujch telputzintli in cuexpaltzine in cuexpaltzitzineque yoan in tzotzocoleque in tepallamanj in yiaque in moteneoa [fol v