25r 56

] pachiujtiuh in jcnoiotl itech eoatiuh in netolinjliztli iehoatl injc mjtoa çan teca maujltia aiac vel icnjuh aiac nellin qujlhuja Tezcatlipuca tecujltonoa ioan ic temotla in cococ in teopouhquj ie vncan in aca qujcujlonaoa itoneuhcacopa aoc iatlamatian in qujlhuja Titlacaoane cujlonpole cujlontepole otonmotlamachti otonmoquequelo no iuh qujtoaia intla aca oqujchololti imal cujlonpole titlacaoane ma çan njman iê iuh tienj ma motelchioanj in tinechmaca malli ca çan notech otonmoquequelo in iuh qujtoaia y ca ça itoneuhcatlatol iê tle ça ne ca ica oneaujltiloc mjtoa iehoan in iuh inpam mochioaia y in aquj mamatcaoaque in atle ipan tlatta in oconpopouhque yn jmjxco ym jcpac oqujmanque in jnnecujltonol yn jnmâceoal ocatca in ocacica injc oteneoaloia itoloia in tlalticpac oqujchtli tlalticpac tiacaoan ca mjtoa in iuhquj  iaoc tiacauh tlamanj no iuhquj in mocujltonoa câçi in tlalticpacaiotl ic moteneoa tlalticpac oqujchtli tlalticpac tiacauh auh injc moteniotia momaujzçotia tlacotzitzinti ca muchioaia intla aca tlacotzintli ica onecaiaoaloc oujtecoc otlamaceoaltiloc [fol r