02 153

{f. 60r col. b} calaquil, in pevalacatl muchiva : o ca iuhq'n i, ynic otepevaya, in mexicatl, in acolhoa, in tepanecatl, inic oquitoaya yn çemanavacatl, ycentlatqui, in mexicatl, in acolhua^, in tepanecatl, inic onovian tepevaya çemanavac : o ca iuhquin i, inic tlamanca, ynic vnovia^ calaquia : in mexicatl, in acolhoa, in tepanecatl : {p. 224} ca ça iehoatl, in vquitemutinenca yn aquin aquitlacamatiz, ca ye y yauh, ca ye compeva, auh yc veya, yn itlacalaquil, in quitoaya in mexicatl : quilhuiaya yn vquipeuh, a ça nen quitac yn iyaxca in itlatqui, yn icocvcauh, in noteuh, in tetzavitl vitzilopuchtli, ychimal, ixco, yeva, y yatlauh, yyacac, yeva ; o ca yvin i in quiteilhuia : açoc ceppa ticnequi aço timuxicoa, ca yuhquin i, yn vquiteilviaya, y nvvian, ynic vquivalcavaya yntlacalaquil çemanavacatl in mexico. Auh y yehoatl inic vmitoaya mvchi, y^tonal in tlatoqz in tlaçotli, in canin mvchiva yn anavac, in quetzalli, i^tonal, in tlatoque, ioan in tlaçoivitl, in tlaçotli tototl, in xiuhtototl, in tlauhquechol, in çaqua in tevquechol, in tzinitzca, in chalchiuhtototl, in xihuitzilli muchi intonal yn tlatoque : auh ça no iuhqui, in chalchivitl, in tevxiuitl, in quetzalchalchivitl, in iztac chalchiuitl, in tlapaltevilutl, in acatic quetzalchalchivitl, in tomatic chalchivitl in tevilacachiuhqui, in quetzalchalchivitl, in xitic, chalchivitl, y ye ixquich, y ye muchi ca muchi i^tonal in tlatoque : Auh can no iuhqui, in ixquich, yn izquican icac in cacavatl ca intonal in tlatoqz in nvmpa mvchiva cacavatl, novian vmpa mani incacavamil, mitoa ytonal. Auh çan no iuhqui ; in izquican icac in tonacayvtl, no muchi intonal vmpa novian mani yn imil inic mitoa ytonal muchi vncan mvchiva {p. 225}