03 133

{f. 54r col. b} Jntencopa in tlatoqz iehoan quitzontequi, auh in oq'tzotecque, niman quioalnotza in tlatlacateca in tlatlacochcalca yautequioaqz, nima ie ic quinaoatia micqui polozque, ce, altepetl inic mochioaz yavyutl auh in oaçito yn vmpa mochioaz yavyutl nima^n oc cepa iehoati tlamama in tlatlacateca in iuh mochioaz {p. 199} yn yavyutl, inic vel poliviz yn altepetl. Jn aca mictiloz iehoanti quitlatzontequiliaya in tlatoqz, auh in otlatzoteque ; niman ie quioalnotza in tecutlatoque quinavatia inic quelacuaoazqz, nima^ q'choquilia q'ticavia quipotonia q'lpilia tilmatli in iquimiliuhca mochioa ; auh in tecutlatoqz niman quioalnotza, in intemicticaoa in tlatoqz, inic comictia aço quimecania aço quiquavivitequi. Jnic cuicoia in aço maceoaloz in aço nanacaqualoia no iehoati quimati in tlatoque in tlei cuicatl meoaz quinaoatia in cuicanime. Jn tlapializtli iehoanti quitoa in tlatoque inic novia tlatlapialoz in tlatoca, in calmecac, in tequioacacali, in achcauhcali, in telpuchcali auh in apetlac in otlica ioan y yauteco chaneque q'navatia inic yautlapialoz inic ça mochipa yoaltica tlacatica in tlapialoz. Jnic mochioaya in tlavllamaloz intencopa in tlatoqz nemia yn imollacaoa, quipia, in olli, in ollamaloni, quipia in queceoatl ma iehoatl, nelpiloni, auh intla iehoa vllamazque in tlatoque niman ie ic mononotza in tlei quimotlanilizque in aço chalchivitl aço teucuitlatl aço quetzalli anoço tlacotli anoço xomoivitilmatli ; auh in omononotzque {p. 200} yn oquinanamictiqz niman quitlatlalia tlachquac nenecoc, nima ie ic momana quimomaca in queceoatl i maiehoatl i nelpiloni nima^ ie ic peoa vllamalo auh in teulalataque necoc tlachticpac vnoqz xeliuhtoqz moch eoanti in pipilti anoço tetecuti anoço tequioaqz auh i necoc tlachticpac vnoqz cece^tlapal intech pui mollama in mixnamictimani auh necoc vnoc in tlachmaitl itech mamani mitoa tlachtemalacatl cocoyoqui ; auh in ac iehoatl tlacalaquiz vtetla iehoatl quicuiz in ixquich tlatquitl Auh mitoaya neneuhqui y yavyutl in ollamaliztli vel vnca^ nemimictilo nequatzatzayanalo auh intla aca atlei quitlanitoa namacoya tlacotli mochioaz. Jnic quimocuitlaviaya in tlatoqz iehoan quimatia in iuh tlapatiyoaz in ixquich monamaca tianquizco quinaoatiaya in puchtecatlatoque in quenin tlapatioaz iehoanti quimati in puchtecatlatoqz in iuh tlamaniz tianquizco yn ayac texixicoz auh intla itla ytlacaviz iehoanti quitzacutiazque in puchtecatlatoqz. Auh in patolli ça vel neneuhqui in tlachco mochioaya yn ollamaliztli ça no vmpa mochioaya in patolli micuiloa in tlalpantli anoço petlatl in omicuilo vnca^ quipoa inic netlanivaya yn etl nauhtetl cecetlapal mixcoyouia y patoaya q'maxaqualoa anoço quicemana inic motlania yn iuh mochivaya in tlachco ca vel no iuh mochivaya nemimictilo nequatzatzayanaloya. {p. 201}